Мадияр Қожахмет: жаңа бастамаларды іске асыруда ҮЕҰ белсенділігі маңызды

21 сәуірде Орталық коммуникациялар қызметінің алаңында Қазақстан Республикасы Ақпарат және қоғамдық даму министрлігі Азаматтық қоғам істері комитетінің төрағасы Мадияр Қожахмет азаматтық қоғамның рөлін нығайту бойынша қабылданып жатқан шаралар туралы айтып берді.

Мемлекет басшысы Қазақстан халқына Жолдауында еліміздегі қоғамдық-саяси реформалардың жаңа бағытын жариялады. Оның ішінде азаматтық қоғам институттарының рөлін нығайтуда. Бүгінде азаматтық қоғам институттарын қалыптастыру мен нығайтудың заңнамалық негізі қаланды, мемлекеттік бағдарламалар қабылданды. Республикада үкіметтік емес ұйымдар 22 мыңға дейін өсті. Үкіметтік емес ұйымдар мемлекеттік әлеуметтік тапсырыс, гранттар арқылы қаржылық қолдау алады.

Өткен жылы Мемлекеттік әлеуметтік тапсырыс аясында 2 мыңға жуық әлеуметтік жоба іске асырылып, 500-ден астам ұйым одан әрі даму мүмкіндігіне ие болды.

«Қазіргі уақытта Мәжілісте «Қазақстан Республикасының кейбір заңнамалық актілеріне волонтерлік қызмет, қайырымдылық, Мемлекеттік әлеуметтік тапсырыс және үкіметтік емес ұйымдарға арналған гранттар мәселелері бойынша өзгерістер мен толықтырулар енгізу туралы» заң жобасы қаралуда. Оның аясында ірі ҮЕҰ ұзақ мерзімді негізде қоғамдық маңызы бар басымдықтарды іске асыру бойынша мемлекет тарапынан қолдау алатын стратегиялық әріптестікті заңнамалық тұрғыдан бекітіп, енгізуді жоспарлап отырмыз», - деді Мадияр Қожахмет.

Президент қоғамдық кеңестердің орасан зор институционалдық әлеуеті бар екенін атап өтті. Қоғамдық кеңестер туралы заңнамаға өзгерістер енгізілді. Заңға енгізілген түзетулер Қоғамдық кеңестер қызметінің тиімділігін одан әрі жетілдіруге және арттыруға бағытталған.

• 26.12.2022
• 200