ҚР АҚДМ Азаматтық қоғам істері комитетінің төрағасы М. Қожахмет ҚР-дағы Франция Елшілігінің мәдениет және ынтымақтастық мәселелері жөніндегі кеңесшісі А. Бортоланмен кездесті

2022 жылғы 25 тамызда ҚР Ақпарат және қоғамдық даму министрлігінің Азаматтық қоғам істері комитетінің төрағасы М.Қожахмет ҚР-дағы Франция Елшілігінің мәдениет және ынтымақтастық мәселелері жөніндегі кеңесшісі

А. Бортолан мырзамен кездесті.

Кездесу барысында азаматтық қоғам мәселелері бойынша тараптардың ынтымақтастығын кеңейту және дамыту мәселелері талқыланды.

Кездесу барысында М.Қожахмет еліміздегі азаматтық қоғам бастамаларын қолдау жөніндегі мемлекеттік шаралар туралы айтып, А. Бортолан месьені комитеттің қызметімен таныстырды, халықаралық ұсынымдарды орындау аясында ҮЕҰ секторын бағалау және қайырымдылық саласындағы алдағы өзгерістер туралы хабардар етті. ҚР-дағы Франция Елшілігінің жоспарланған жобаларына қазақстандық ҮЕҰ тартылған жағдайда, олар туралы ақпаратты көруге болатын «ҮЕҰ Дерекқорымен» танысуды ұсынды.

Алекс Бортолон мырза Ақпарат және қоғамдық даму министрлігіне елшіліктің қызметіне қызығушылық танытқанын және «Азаматтық бастамаларды қолдау орталығы» кеңсесіне шақырғаны үшін алғыс айтты.

Құрметті қонақ Франция Республикасының азаматтық саласын таныстыра отырып, Францияның азаматтық секторды дамытуға үлкен көңіл бөлетінін атап өтті. Олардың елінде 1,5-тен астам қауымдастық пен азаматтық сектор ұйымдары жұмыс істейді, олар бүгінде экономиканың едәуір бөлігін қамтиды. Бұл секторда 13 миллионнан астам азамат жұмыс атқаруда, яғни әрбір 5 француз ҮЕҰ-да мүшелікте бар, әртүрлі ұйымдардың қызметтерін пайдаланады немесе үкіметтік емес қауымдастықтарды қаржылай қолдайды.

Сондай-ақ, француз үкіметі Қазақстанда сияқты КЕҰ секторына мемлекеттік грант бөлетіндігін атап өтті. Жалпы бұл саланы «1901 жылғы Заң» реттейді, ал саланың дамуын - Францияның ортақ экономика және қоғамдық ұйымдар жөніндегі министрі үйлестіреді.

Кездесу қорытындысы бойынша азаматтық қоғамды дамыту саласында екі елдің одан әрі ынтымақтастығы мен тәжірибесімен алмасу туралы уағдаластыққа қол жеткізілді.

• 26.12.2022
• 217