ҚАЗАҚСТАН МЕН ЕҚЫҰ ЫНТЫМАҚТАСТЫҒЫНА 30 ЖЫЛ Адам өлшемі бойынша Варшава конференциясы

А.ж. 26 қыркүйегінде Польша астанасы Варшава қаласында ЕҚЫҰ-ның Адами өлшем жөніндегі жалпыеуропалық конференциясы басталды.

Қазақстан 1992 жылдан бері ЕҚЫҰ мүшесі болып табылады және осы ұйымның барлық негізгі бастамалары мен ұсынымдарын қолдауда.

Азаматтық қоғам істері комитетінің төрағасы Мадияр Қожахмет Қазақстан Республикасының атынан ЕҚЫҰ-ның Демократиялық институттар және адам құқықтары жөніндегі бюросының (ДИАҚБ) Адами өлшем жөніндегі Варшава конференциясының жұмысына белсенді қатысады, сондай-ақ іс-шараға Қазақстанның қоғамдық ұйымдарының өкілдері де қатысып отыр.

Конференция ағымдағы жылғы 26 қыркүйек пен 7 қазан аралығында өтеді және ЕҚЫҰ аймағындағы адам құқықтары мен негізгі бостандықтардың жай-күйін талқылауға арналады.

Қазақстан Республикасы демократияны дамыту, адам құқықтарын қамтамасыз ету және демократиялық институттарды нығайту мен қорғау саласында ЕҚЫҰ ДИАҚБ-мен ынтымақтастықты белсенді қолдайды.

Бүгін, М. Қожахмет «Демократиялық институттар (демократиялық сайлау; ұлттық, өңірлік және жергілікті деңгейдегі демократия; саяси және қоғамдық өмірге тең құқылы қатысу; ұлттық құқық қорғау мекемелері және адам құқықтарын қорғаудағы азаматтық қоғамның рөлі)» атты I-ші пленарлық сессияға қатысып, баяндама жасады.

Қазақстан Президенті Қ.К. Тоқаев жариялаған және 2022 жылғы 5 маусымда Қазақстан халқы жалпы республикалық референдумда 77,2% дауыспен қолданған Қазақстанда жүргізіліп жатқан ауқымды реформалардың негізгі мақсаттары мен міндеттері туралы хабарлады.

Конференция қатысушыларына бұл реформалар әділетті Қазақстанды құруға бағытталғандығы туралы баяндалды.

Осылайша, Қазақстан өкілінің баяндамасында демократиялық қағидаттарды күшейтуге және азаматтардың мемлекетті басқаруға қатысуын кеңейтуге алып келетін елімізде жүргізіліп жатқан қоғамдық-саяси реформалардың негізгі тармақтары айтылды.

Отырыста шетелдік делегацияның өкілдері мен ЕҚЫҰ басшылығы 2022 жылғы 14 маусымда Мемлекет басшысының бастамасы бойынша «Ұлттық құрылтай» болып қайта құрылған ҚР Президенті жанындағы «Ұлттық қоғамдық сенім кеңесінің» қызметі туралы хабардар етілді, онда азаматтық қоғамдастық пен мемлекеттің негізгі бастамалары талқыланады.

М. Қожахмет тыңдаушыларға президенттік саяси реформалардың жүзеге асырылып жатқан төрт пакеті туралы егжей-тегжейлі айтып берді.

Қазақстанның суперпрезиденттік басқару нысанынан президенттік республикаға көшуі, Конституциялық Соттың жандануы, аралас сайлау жүйесіне көшу, саяси партияларды тіркеу рәсімін оңайлату және басқа да демократиялық өзгерістер туралы баяндалды.

Сөз соңында М.Қожахмет Қазақстан демократиялық қағидаттарды одан әрі жан-жақты дамытуға, адам құқықтарын қорғауға, азаматтық қоғамды қолдауға және ЕҚЫҰ институттарымен одан әрі ынтымақтастыққа барынша дайын екенін атап өтті.

Варшава Адами өлшем жөніндегі конференциясы 7 қазанға дейін жалғасады. Конференция туралы толық ақпарат мына жерде - https://www.osce.org/.../warsaw-human-dimension-conference.

• 26.12.2022
• 248