Адами өлшемі бойынша Варшава конференциясы Екінші күн

Варшавада ЕҚЫҰ-ның Демократиялық институттар және адам құқықтары жөніндегі бюросы ұйымдастырған Адами өлшем жөніндегі халықаралық конференция жалғасуда.

28 қыркүйекте ҚР АҚДМ Азаматтық қоғам істері комитетінің төрағасы М. Қожахмет «Негізгі бостандықтар» (дін немесе наным-сенім бостандығы; жиналыстар және ассоциациялар бостандығы; құқық қорғаушылар; жүріп-тұру еркіндігі) ІІ-ші пленарлық отырысқа қатысып, баяндамасымен сөз сөйледі. Сөзінде бейбіт жиналыстар, митингілер, шерулер ұйымдастыру және өткізу тәртібін реттеуді қамтамасыз ететін Қазақстандағы құқықтық тетіктердің жетілдірілуі туралы айтып берді.

Конференция қатысушыларына енді бейбіт жиналыс (митинг, жиналыс және пикет өткізу) өткізу үшін биліктің рұқсаты талап етілмейтіні, тек жергілікті атқарушы органға хабарлау жеткілікті екені баяндалды.

Сондай-ақ, бүгінде Қазақстанда 1996 жылғы 31 мамырдағы «Қоғамдық бірлестіктер туралы» Заңды жетілдіру бойынша үлкен жұмыс жүргізілуде. Жаңа нормаларға сәйкес мемлекет азаматтардың қоғамдық ұйымдарды тіркеуді жеңілдетуді жоспарлап отыр. Осылайша, енді қоғамдық бірлестік құру үшін 10 адамның орнына тек 2 құрылтайшы азамат қажет болады, бұл елде үкіметтік емес ұйым құруды айтарлықтай жеңілдетеді.

Бұл түзетулер азаматтардың бірлесу бостандығына құқықтарын кеңейтуге мүмкіндік береді.

Сөз соңында М.Қожахмет Қазақстан алдағы уақытта да жиналыстар мен қауымдастықтар бостандығын қамтамасыз ету бағытында қолдау көрсететінін атап өтті.

• 26.12.2022
• 248