Республика күні қарсаңында ҮЕҰ-ды марапаттау

ҚР Ақпарат және қоғамдық даму министрлігінің Азаматтық қоғам істері комитетінің төрағасы Мадияр Қожахмет Республика күні қарсаңында ҚР Ақпарат және қоғамдық даму вице-министрі Данияр Қадыровтың атынан үкіметтік емес ұйымдардың басшыларына Қазақстанның азаматтық қоғамын дамыту саласындағы белсенді ынтымақтастығы үшін және Қазақстан Республикасын Еуразиялық топтың өзара бағалаудың екінші раундына дайындау шеңберінде ҮЕҰ саласында қылмыстық кірістерді заңдастыруға (жылыстатуға) және терроризмді қаржыландыруға қарсы іс-қимыл жөніндегі бағалаудан өтуде мемлекеттің іске асырып жатқан саясатына қосқан зор үлесі мен қолдауы үшін алғыс хаттар табыс етті.

Алғыс хаттармен: Рыль Ольга Владимировна – «Құқық» қоғамдық қорының директоры; Ташмухамбетова Шолпан Жеңісқызы – ABA ROLI Американдық заңгерлер қауымдастығы өкілдігінің басшысы; Исмаилов Шавкат Абдуллаұлы – «Қырғызстан – Астана» қоғамдық бірлестігінің басшысы; Сухоносенко Илья Александрович – «Қазақстанның экологиялық ұйымдарының қауымдастығы» ЗТБ атқарушы директоры; Аймурзина Айнұр Жеңісбекқызы - «Дара» қоғамдық қорының жобалары мен бағдарламалары директоры.

Кездесу қорытындысы бойынша үкіметтік емес ұйымдардың басшылары Министрлік тарапынан көңіл бөлінгені үшін зор алғыс және одан әрі ынтымақтастыққа дайындықтарын білдірді.

• 26.12.2022
• 232