ҚХА этномәдени бірлестіктері өкілдеріне арналған семинар-тренингі өтті

            2020 жылғы 25 қарашада Қазақстан халқы Ассамблеясының этномәдени бірлестіктері өкілдеріне арналған онлайн-форматта практикалық семинар-тренингі өтті.

            Іс-шараға ҚР АҚДМ Этносаралық қатынастарды дамыту комитеті төрағасының орынбасары Е.Үйсімбаев, ҚР АҚДМ «Қоғамдық келісім» РММ директоры Е.Шәуенов, Нұр-Сұлтан, Алматы және Шымкент қалаларының, сондай-ақ өңірлердің этномәдени бірлестіктерінің өкілдері қатысты.

            Семинар-тренинг барысында спикерлер ретінде Нұр-Сұлтан қаласының «Өзбек этномәдени орталығы» ҚБ төрағасы, сертификатталған медиатор (АҚШ) Ш.Пулатов және «Ұлттық волонтерлер желісі» ЗТБ атқарушы директоры, сертификатталған тренер Т.Миронюк сөз сөйледі.

            Семинар-тренингке қатысушылар «Этносаралық қатынастар саласындағы медиация: теория және практика» және «Қазақстандағы волонтерлік» тақырыптарын талқылады: Сондай-ақ медиация арқылы тартысты жағдайларды бейбіт жолмен шешу туралы қызықтыратын сұрақтарға жауаптар алды.

• 25.11.2020
• 343