Қарағанды облысында игі істер бастама алды

Аймағымызда бірнеше күннен бері аязды ауа райы орнады.

Мұндай ауа райында бір-бірімізге қамқорлық таныту аса маңызды. Бұл ретте коммуналдық қызмет жұмысшыларына ыстық шай таратып, аялдамаларда тұрған адамдарды тегін тасып жүрген азаматтарымыздың игі істері барлығымызға үлгі бола алады. Сонымен қатар жүзге жуық автокөлік иелері «Тегін такси» қайырымдылық акциясына қатысуды жөн көрген. Сондай-ақ қаламыздың жолаушылар ең көп жүретін бағыттарда жылы аялдамалар жұмыс жасайды.

Қазіргі уақытта ТЖД құтқару командалары, коммуналдық қызметтердің авариялық бригадалары және жедел жәрдем бригадалары күшейтілген режимде жұмыс істеуде. Біздің құтқарушыларымыздың жұмысын жеңілдету үшін барлығымыз сақтық шараларын есте ұстағанымыз жөн. Бұл үшін алыс жолға шықпай, жылыту құрылғыларын қараусыз қалдырмау қажет. Сонымен қатар далада ұзақ жүрмеңіздер.

Әріптестеріме жылу, су, газ және электр қуатын үздіксіз беруге ерекше назар аударуды тапсырдым.

• 12.01.2023
• 253