Біріккен Араб Әмірліктерінде ҚР Энергетика министрлігі, Masdar және KIDF арасында ЖЭК жобасын іске асыру жөніндегі қағидаттар туралы келісімге қол қойылды

2023 жылғы 17 қаңтарда Мемлекет басшысы Қасым-Жомарт Тоқаевтың Біріккен Араб Әмірліктеріне сапары шеңберінде ҚР Энергетика министрлігі, Masdar (БАӘ) және KIDF арасында Қазақстанда жаңартылатын энергия көздері (ЖЭК) саласындағы ауқымды жобаны іске асыруға бағытталған қағидаттар туралы келісімге қол қойылды.

Жасалған келісімге сәйкес тараптар жел электр станциясын салу жобасын бірлесіп әзірлейтін болады, оның бірінші кезеңі электр энергиясын жинақтау жүйесін ықтимал пайдалана отырып, 500 МВт көлемінде қуатты іске асыруға бағытталатын болады.

Объектінің орналасқан жері – Жамбыл және/немесе Түркістан облыстары. Құрылыстың басталуы 2025 жылға жоспарланған.

• 17.01.2023
• 244