Ақтөбеде «Ер Едіге – Ноғайлы дәуірінің жыры» атты дастан жарыққа шықты

Бейсенбі, 26 қараша күні Ақтөбеде «Ер Едіге – Ноғайлы дәуірінің жыры» халықаралық ғылыми-тәжірибелік конференциясы ұйымдастырылып, 500 данамен жарыққа шыққан жыр альбомының тұсаукесер рәсімі өтті. “Рухани жаңғыру: болашаққа бағдар” бағдарламасын жүзеге асыру мақсатында ұйымдастырылған шараға облыс әкімі Оңдасын Оразалин, есімі елге танылған бірқатар тарихшылар мен профессорлар қатысты. Қазақ ұлттық өнер университетінің профессоры, жырау А.Алматов, “Едіге батырды” жырлаған жырау Қ.Иманғалиевтің ұрпағы Қарақалпақстан елінен Н.Қайроллаев, және онлайн режимде ҚР Парламенті Сенатының депутаты Мұхтар Құл-Мұхаммед, Германия елінен шығыстанушы түркі халықтарының қаһармандық эпосын зерттеуші, профессор Карл Райхл, РФ У.Алиев атындағы Қарашай-Шеркес мемлекеттік университетінің профессоры, филология ғылымдарының докторы Н.Суюнова, ҚР Мемлекеттік сыйлығының лауреаты, тарихшы, Ә.Сарай қатысты. Олар видеобайланыс арқылы Едіге батыр жайындағы пікірлерін ортаға сала отырып,ұлттық өнерімізді жаңғыртуға қосқан үлесі үшін облыс әкімі Оңдасын Оразалинге алғыс білдірді.

• 26.11.2020
• 313