Целиноград ауданына жұмыс сапары

Ермек Маржықпаев елордалық Целиноград ауданындағы бірқатар әлеуметтік-экономикалық нысандарды аралады.

Бірінші нысан, "Шапағат" әлеуметтік қызметтер орталығы Аққайың ауылында орналасқан. Орталық Ақмола облысының қарт адамдарына медициналық, экономикалық, психологиялық, құқықтық көмек көрсетеді.

Исенова Құралайдың айтуынша, мекеме 1935 жылы құрылған.

"Қызметкерлер өздерін үйде сезіну үшін осындай жағдайларды қамтамасыз етуге тырысады. Медициналық қызметтерден басқа, оқу, интернет, сурет салу әуесқойларын біріктіретін қызығушылық клубтары бар. Қызмет алушылар бос уақыттарын өздері қалағандай өткізеді: ән айту, дойбы және шахмат ойнау, спортпен шұғылдану және арт-терапиядан өту. Жазда тілек білдірушілер жылыжайларда көкөніс өсіреді", - деді орталық директоры.

Орталықта 41 жастан 95 жасқа дейінгі 145 қызмет алушы тұрады, оның ішінде ерлер 91, әйелдер - 54.

Өңір басшысы физиокабинетке, психологиялық түсіру кабинетіне, жаттығу және салтанат залдарына, асханаға барып, әңгімелесті.

Кездесу қорытындысы бойынша өңір басшысы жұмыспен қамтуды үйлестіру және әлеуметтік бағдарламалар басқармасына тиісті тапсырма берді.

Аққайың ауылында облыс әкімі өткен жылдың қараша айында ашылған форель және бекіре тұқымдас балықтарды өсіру, өндіру және өңдеу бойынша "Poseydon" ЖШС балық фермасына барды.

Кәсіпорын директоры Әбішев Шыңғыстың айтуынша, форель фермасы 2019 жылы құрылған.

"Құрылыс 2022 жылдың қыркүйегінде аяқталды, форель және бекіре тұқымдас шабақтар іске қосылды. Қазір ферма 40% жұмыс істейді. Бассейндердің 4 желісін толығымен іске қосқан кезде өндіріс қуаты жылына 100 тоннаға дейін артады", - деді ЖШС директоры Шыңғыс Әбішев.

Балықты ұстайтын су жабық сумен жабдықтау жүйесі арқылы жұмыс істейтін төрт желі арқылы өтеді. Жалпы тауарлық бассейндер-24. Әрқайсысының көлемі - отыз текше су. Балық үшін белгілі бір микрофлора жасалады.

Отандық қызыл балық нарығы - астаналық супермаркеттер, мейрамханалар мен қонақ үйлер. Сондай-ақ, экологиялық таза өнім жақын маңдағы аудандардың сауда нүктелеріне сатуға түседі, болашақта – экспортқа шығу.

Жұмыс сапары әлеуметтік нысандарына барумен - Шұбары және Қызылсуат ауылдарындағы мектептердің жалғасты. 

Шұбары ауылындағы жалпы білім беретін мектеп 1962 жылы салынған. 2020 жылы оған қосымша корпус қосылды. Қазір 120 орындық мектепте 169 оқушы оқиды. Айта кетейік, ауылда жаңа мектеп салынып жатыр, оны 2024 жылы тапсыру жоспарланып отыр.

"Ауылда жол мен су құбыры жасалды, көше жарығы әкімдіктің балансына, келешекте – газбен жабдықтауға аударылуда", – деп атап өтті Ермек Маржықпаев. Қызылсуат ауылында өңір басшысы орта мектепті аралап, жоғары сынып оқушыларымен кездесті. 

Жұмыс сапарының қорытындысы бойынша Целиноград ауданының әкіміне әлеуметтік-экономикалық дамудың барлық бағыттары бойынша жұмыстарды жандандыру тапсырылды.

• 25.01.2023
• 188