Ақтөбеде Тұңғыш Президент күні аталып өтті

Жұма, 27 қараша күні Ақтөбе облысының әкімі Оңдасын Оразалин Тұңғыш Президент күніне арналған «Елбасы мәртебесі – ел мерейі!» шарасына қатысты. Аймақ басшысы ақтөбеліктерді айтулы мерекемен құттықтай отырып, Елбасының қазақ елі үшін сіңірген еңбектеріне тоқталды.

Облыс әкімі өңірдің саяси- әлеуметтік, мәдени дамуына қосқан үлестері үшін профессор Амангелді Айталы, Алға ауданының әкімі М.Аққағазов, Қарғалы ауданының әкімі А.Жүсібәлиев, “Ақтөбе” ӘКК» басқармасының төрағасы Е.Имантаев, «Невада-Семей» ХАҚ Батыс Қазақстан аймағы филиалының директоры І.Көбенов және жалпы 13 азаматты “Қазақстан Конституциясына 25 жыл” мерекелік медалімен марапаттады.

Сондай-ақ, аймақтағы «ТНК «Казхром» АҚ президенті А.Есенжолов, «Актюбинская медная компания» ЖШС-нің кадрлық саясат жөніндегі бас директорының орынбасары А.Есиналин, «Максимус» ЖШС кеңесшісі А.Майтеков сынды 10 азаматқа қайырымдылық шараларға қосқан үлестері үшін «Жомарт жүрек» медалін табыстады.

• 27.11.2020
• 260