Орталық коммуникациялар қызметінің брифингінде «Қазақстандық отбасылар-2022» ұлттық баяндамасы таныстырылды.

ҚР Ақпарат және қоғамдық даму министрлігіне қарасты «Қазақстандық қоғамдық даму институты» КеАҚ Басқарма төрағасы Нұрбек Матжани мен Отбасы институтын зерттеу орталығының жетекшісі Жұлдыз Батталова баяндамада қамтылған мәселелерге жан-жақты тоқталып, институттың алдағы уақытта жасайтын жобалары туралы мәлімдеді.

«Қазақстандық отбасылар» баяндамасы бұған дейін 2020 жылы жарық көрген. 2022 жылғы баяндаманың жаңалығы - алғаш рет әйелдер мен отбасы институтының сыбайлас жемқорлықтың алдын-алу процесіне ықпалының зерттелуі.

Нұрбек Матжани биыл ҚҚДИ сарапшыларының «ҚР тұрмыстық зорлық-зомбылыққа қарсы күрес», «Заманауи қазақ қоғамындағы гендерлік саясат», «Қазақстандық толық емес отбасылар», «Азаматтық қоғамның дамуы» және т.б. тақырыптар аясында зерттеу жүргізуді жоспарлап отырғанын айтты.

• 09.02.2023
• 231