Ақмола облысындағы құқық бұзушылықтардың алдын алу мәселелері жөніндегі ведомствоаралық комиссияның отырысы

       2020 жылғы 17 қарашада Ақмола облысының әкімі Е.Б. Маржықпаевтың төрағалығымен құқық қорғау ң және басқа да мүдделі мемлекеттік органдарыны қатысуымен ағымдағы жылдың 10 айында облыста Құқық бұзушылықтардың алдын алу мәселелері жөніндегі ведомствоаралық комиссияның отырысы өтті. Онда келесі мәселелер көтерілді:

1. Ауыр және аса ауыр қылмыстардың, оның ішінде кісі өлтірудің алдын алу бойынша қабылданған шаралар туралы.
2. Алаяқтықтың, оның ішінде интернет-алаяқтықтың алдын алу және жолын кесу бойынша алдын алу субъектілері қабылдайтын шаралар туралы.
3. Жол-көлік оқиғаларының алдын алу жөніндегі жұмыстың жай-күйі туралы.

        Облыс әкімі атап өткендей, барлық жоспарланған мәселелер өзекті, себебі азаматтардың өмірін, денсаулығын және мүлкін қорғаумен, сондай-ақ жол қозғалысы ережелерін сақтау кезінде олардың қауіпсіздігін қамтамасыз етумен байланысты.

        Карантин өмірдің барлық салаларына өз түзетулерін енгізді, осыған байланысты облыста қылмыстың жалпы 32%-ға төмендеуі кезінде аса ауыр және ауыр санаттың, оның ішінде кісі өлтірудің, интернет алаяқтықтың өсуі орын алды.

        Жол қозғалысы қауіпсіздігі мәселелерінде бәрі бірдей қолайлы емес. Жыл сайын 150 мыңнан астам бұзушылық анықталады, ағымдағы жылдың басынан бері 71 979 бұзушылық анықталды, оның ішінде 807 бұзушылық мас күйінде автокөлікті басқарғаны үшін.

        ЖҚЕ өрескел бұзғаны үшін соттар 811 адамды әкімшілік қамауға алды, 758 адам автокөлікті басқару құқығынан айырылды.

        Отырыста прокуратура органдарының, қылмыстық-атқару жүйесі полициясының өкілдері, аудандар мен қалалардың әкімдері және мемлекеттік органдардың басшылары сөз сөйледі.

        Қаралған мәселелер мен талқылаулардың нәтижелері бойынша, өңірде құқық бұзушылықтың алдын алудың тиімділігі үшін ұсыныстарды ескере отырып, облыс әкімі нақты мерзімдері көрсетілген тиісті тапсырмалар берді.

• 27.11.2020
• 296