Нұра ауданына жасалған жұмыс сапары бойынша есеп

Су тасқыны маусымына дайындық жұмыстары жүргізілуде. Қазіргі уақытта су тасқыны бойынша аудандық жедел штаб құрылып, 21 елді-мекен мен 277 аула бақылауға алынды. 12 ауылда топырақ жалдары мен үш ауылда габиондар тұрғызылды. Қажетті материалдар мен жабдықтар дайындалды.

Ауданның ауыл шаруашылығы өндірушілерімен кездесіп, оларға ауыл шаруашылығы саласындағы 14 ірі инвестициялық жобаны іске асыру жөніндегі жоспарларымыз туралы айтып бердім. Аталған жобалардың ішінде 11 сүт - тауар фермасы, оның ішінде Нұра ауданында 800 басқа арналған ферманы салу жобасы бар. Сондай-ақ Абай ауданында картоп қоймасы мен құс фабрикасын салуға және Бұқар жырау ауданында құс фабрикасын жаңғыртуға қаражат бөлінеді. Жобалар жаңа жұмыс орындарын құруға және жергілікті өнімдер желісін кеңейтуге мүмкіндік береді.

Білім беру саласы бойынша аудан орталығында заманауи стандарттар бойынша жабдықталған 600 оқушыға арналған жайлы мектептің құрылысы басталады. Оны 2025 жылы пайдалануға тапсыруды жоспарлап отырмыз.

Денсаулық сақтау саласы бойынша мамыр айында Байтуған және Заречное ауылдарында екі ФАП-тың құрылысы аяқталады. 2024 жылы 10 нысанның құрылысы қолға алынып, отбасылық-дәрігерлік амбулатория мен ФАП салынады.

Алдағы 2 жылда 12 маманды тұрғын үймен қамтамасыз етеміз.

Пайдаланылмаған жерлерді қайтару бойынша өткен жылы Нұра ауданының мемлекеттік қорына 37,3 мың га жер қайтарылды, ал 2023 жылы шамамен 69 мың га жерді қайтару жоспарлануда. Аталған жерлер байқау арқылы шаруа қожалықтарына беріледі деп жоспарлануда.

Жақын арада Құланөтпес және Жараспай ауылдарының тұрғындарын сапалы ауызсумен қамтамасыз ету жоспарлануда.

Сондай-ақ 5 ауылды тұщы сумен қамтитын Киев топтық су құбырының техникалық-экономикалық негіздемесін әзірлеуді тапсырдым.

«Ауыл – Ел бесігі» жобасы бойынша ауданның сегіз ауылындағы орамішілік жолдарды орташа жөндеуге қаражат бөлінді.

Сонымен қатар қазіргі уақытта Баршино ауылындағы Мәдениет үйі мен Нұра кентіндегі Өнер сарайының құрылысына ЖСҚ әзірленуде.

Қазіргі уақытта аудан орталығындағы 20 үй (40 пәтер) мен бассейн құрылысын аяқтау бойынша сондай-ақ Жараспай-Құланөтпес жолын жөндеу және Баршинодағы орталық емхана мен учаскелік аурухананы кеңейту мәселелерін шешу қажет. Бұл мәселелер бойынша аудан әкімдігі келесі аптада ұсыныстарды енгізеді.

• 17.02.2023
• 255