Қарағанды облысында 2023 жылы 10 жайлы мектептің құрылысын бастау жоспарлануда

Биыл Қарағанды, Балқаш, Бұқар жырау және Шет аудандарында бір мезгілде 10 жайлы мектепті салу жұмыстары қолға алынады. Ал 2025 жылға дейін облыста барлығы 18 мектеп салынады. Олар Қарағанды, Абай, Қарқаралы, Приозерск және Нұра кенттерінде бой көтереді.

Біздің міндетіміз - аймағымыздың ауылдары мен қалаларында бірыңғай стандарт бойынша сыйымдылығы 300-ден 2000 орынға дейінгі жайлы мектептерді салу. Бұл аймақтағы үш ауысымды, апатты мектептердің мәселесін шешіп, орын тапшылығын жоюға мүмкіндік береді.

Осы орайда «Samruk-Kazyna Construction» АҚ Басқарма төрағасы, жоба операторы Мәулен Айманбетовпен «Жайлы мектеп» пилоттық ұлттық жобасын іске асыру мәселелерін талқыладық.

Атап айтқанда, жергілікті атқарушы органдар жер учаскелерін ресімдеу, инженерлік коммуникацияларды жүргізу, мектептерді жоғары жылдамдықтағы интернетпен қамтамасыз ету мәселелерін шешетін болады.

• 22.02.2023
• 218