Бангкоктағы Гидрология кеңесі

2023 жылғы 21-23 ақпан аралығында Бангкокта, Таиландта Дүниежүзілік метеорологиялық ұйымның (ДМҰ) II Өңірлік қауымдастығы (Азия) елдерінің гидрологиясы жөніндегі үйлестіру тобының екінші кеңесі өтуде. Қазақстаннан іс – шараларға «Қазгидромет РМК өкілі Тұрсын Тілләкәрім-гидрологиялық процестерді модельдеу және гидрологиялық есептеулер басқармасының бастығы қатысты.

Қазақстандық гидролог өз баяндамасында Қазақстан Республикасының Су ресурстарының жай-күйі мен перспективалары туралы қысқаша баяндады. HydroSOS енгізу және қолдану үшін гидрологиялық деректер базасын құру, маусымдық және маусымаралық кезеңдер үшін гидрологиялық болжау әдістерін жетілдіру және гидрологиялық болжау әдістерін HydroSOS жүйесіне біріктіру қажет екендігіне тоқталды.

HydroSOS жүйесі- бұл Су объектілерінің гидрологиялық күйлерін бағалау мен болжаудың жаһандық мониторинг жүйесі. HydroSOS гидрологиялық мониторингке, деректермен алмасуға және метеорологиялық болжауға қатысты ДМҰ-ның қолданыстағы және жоспарланған бастамаларына негізделген. HydroSOS тұтастай алғанда гидрометеорологиялық қызметтер мен халыққа өзекті гидрологиялық ақпарат беретін бірегей операциялық жүйені құруға бағытталған.

• 22.02.2023
• 202