Қазақстанда Қазақстанның ядролық-энергетикалық инфрақұрылымын дамытудың кешенді есебін жетілдіруге жәрдемдесу үшін АЭХА сарапшыларының миссиясы басталды

2023 жылғы 27 ақпанда АЭХА өкілдері мен сыртқы халықаралық сарапшылардың қатысуымен Қазақстанның ядролық-энергетикалық инфрақұрылымын дамытудың кешенді есебін жетілдіруге жәрдемдесу үшін сарапшылар миссиясы басталды.

Миссия шеңберінде Қазақстанның ядролық-энергетикалық инфрақұрылымын дамыту, оның ішінде бірінші АЭС салу жөніндегі мәселелердің кең спектрін қамту жоспарлануда. АЭХА миссиясы 2023 жылдың 3 наурызына дейін жалғасады.

Бұл миссияның мақсаты – халықаралық сарапшылармен тәжірибе алмасу арқылы Қазақстанға кешенді есепті әзірлеуге қолдау көрсету.

Сарапшылар миссиясына қатысуға ҚР Еңбек және халықты әлеуметтік қорғау министрлігі, ҚР Экология және табиғи ресурстар министрлігі, ҚР Ұлттық ядролық орталығы; Ядролық физика институты, «Қазақстандық атом электр станциялары» ЖШС, «Қазатомөнеркәсіп» ұлттық атом компаниясы, «KEGOC» АҚ электр желілерін басқару жөніндегі ұлттық операторы және Ғылыми- ядролық технологиялар қауіпсіздігі техникалық орталығының өкілдері шақырылды.

Айта кету керек, АЭХА-ның «Ядролық энергетиканың ұлттық инфрақұрылымын дамыту кезеңдері» тәсілінің басшылық қағидаттарына сәйкес кешенді есеп I кезеңге – ядролық-энергетикалық бағдарламаға қатысты саналы міндеттеме алуға дайын болуға сәйкес келеді және ядролық-энергетикалық бағдарламаны жүзеге асырудың негіздемесі мен стратегиясын қамтиды.

• 28.02.2023
• 167