Нұрлан Ноғаев Ақтаудың урбанистикалық даму жоспарын талқылады

27 ақпанда Нұрлан Ноғаев «Ақтау – менің қалам» қоғамдық қоры және «Астана бас жоспары» «ҒЗЖИ» ЖШС өкілдерімен бірге Ақтау қаласының урбанистикалық даму жоспарын талқылады, - деп хабарлайды Маңғыстау облысы әкімінің баспасөз қызметі.

Жиынға облыс әкімінің орынбасарлары, қала әкімі, басқарма басшылары, мәслихат хатшысы және «Ақтау – менің қалам» қоғамдық қорының құрылтайшысы Данияр Сандыбаев, «Астана бас жоспары» ҒЗЖИ» ЖШС директорының орынбасары, урбанистикалық орталығының басшысы Елнар Базыкен қатысты.

«Ақтау-менің қалам» облыс орталығын соңғы тенденцияларға сай көркейтуді көздеп отыр. Басты мақсат – тұрғындар мен туристерге қолайлы жағдай жасау. Яғни, жоспарға сәйкес әрбір шағынаудан абаттандырылып, теңіз жағажайы эко стильде салынады. Заманауи үлгіде саябақтар, воркаут алаңдары мен спорт алаңдары тұрғызылады.

Аймақ басшысы Нұрлан Ноғаев қаланы көркейту мақсатындағы жұмыстарды тұрғындармен бірге ақылдасып, сапалы орындалуын қамтамасыз етуді тілге тиек етті.

– Облысты дамытудың басты бағыттарының бірі – туризм. Сондықтан қаланы дамыту өте маңызды. Бұл туристер мен облыс тұрғындарының жаппай келуіне қолайлы жағдай жасайды. Осы орайда Осы орайды жобаның орындалуын жүйелендіруді тапсырамын. Қала үшін маңызды жұмыстарға Ақтау қаласының әкімдігі немесе құрылыс, сәулет және қала құрылысы басқармасының мамандары ғана емес, тұрғындар да үн қатуы керек. Ең бастысы, құрылыс жұмыстарының сапасына мән беру керек, – деді Нұрлан Ноғаев.

• 01.03.2023
• 174