Осакаров ауданына жасаған жұмыс сапары туралы

Молодежный кентінде «Ауыл – Ел бесігі» жобасы бойынша әлеуметтік саланың нысандары мен жолдар жөнделді. Биыл жергілікті аурухананы жөндейміз. Ал Сарыөзек ауылының тұрғындары үшін дәрігерлік амбулатория салынады. Жаңа медициналық пункттер Ошағанды, Ақпан, Звездное, Шұңқыркөл ауылдарында бой көтереді. Сондай-ақ, Озерный, Батпақты, Садовое елді-мекендерінде ауылдық клубтар жөнделеді.

Сумен қамту бойынша. Биыл Озерное, Ералы, Пионерское ауылдарында су құбыры желілерінің құрылысын аяқтау қажет. Осакаровкада су құбырының жетінші кезегі салынуда. Сондай-ақ биыл Николаевка, Сенокосное, Садовое және Трудовой ауылдарында жоспарланған жұмыстар жасалады. Ал Қ.Сәтбаев атындағы каналдың сорғы станциясында 10 жылға есептелген қайта құру бойынша ауқымды бағдарлама әзірленді. Қазірдің өзінде бағдарлама бойынша станцияның энергетикалық жабдықтары жаңартылды.

Тұрғын үй бойынша. Осакаровкада «Нұрлы жол» бағдарламасы бойынша кезекте тұрғандар үшін 108 пәтерлік тұрғын үй салынуда.

Бүгінде аудан көктемгі су тасқынына дайындалуда. Пионерское ауылын су басу қауіпін азайту үшін Есіл өзенінің арнасын тазалау жұмыстары жүргізіледі.

Сапар соңында ауданның ауыл шаруашылығы тауар өндірушілерімен кездесіп, егіс жұмыстарына дайындық пен мемлекеттік қолдау шараларын талқыладық.

• 01.03.2023
• 271