Нәзік жанды әйелдердің мықты өкілдері - Ермек Маржықпаев өңірдің белсенді әйелдерімен кездесті

Халықаралық әйелдер күнін мерекелеу қарсаңында Ақмола облысының әкімі Ермек Маржықпаев өңірдің әлеуметтік-экономикалық дамуына үлес қосқан медицина, білім беру, үкіметтік емес ұйымдар, бизнес және мемлекеттік қызмет өкілдерімен кездесті.

"Көктемгі мереке қарсаңында облысымыздың дамуына зор үлес қосқан адамзаттың әдемі жартысының өкілдерімен кездесу жақсы дәстүрге айналды.

Сіздердің әрқайсыларыңыз әр түрлі салаларда белгілі бір жетістіктерге жеттіңіз, Бұл әйелдердің таңдаған ісіне жауапкершілікпен қарайтындығын тағы да дәлелдейді. Бұған мысал бола алады, бүгінде облыста шағын және орта бизнесте көшбасшылық позициялар негізгі лауазымдардағы басшылар болып табылады", - деп атап өтті
Е. Маржықпаев.

Өз кезегінде "KAZYNA-SR" ЖШС бас директоры, Ақмола облысының іскер әйелдер қауымдастығының төрағасы
С. Матайбаева әйелдердің бизнестегі рөлі туралы айтты.

"Гендерлік теңдік дегеніміз - ер адамдармен бірге болу, мәселелерді шешуге көмектесу. Бізді Дүниежүзілік саммиттерге, форумдарға шақырады. Біз өткен жылы Өзбекстандағы форумға қатыстық. Біздің қауымдастық алдыңғы қатарда болуға тырысамыз", - деді С. Матайбаева.

Сондай-ақ, алты баланың анасы, "Әлемге жол" жарнама агенттігінің директоры, "Асыл аналар" қоғамдық бірлестігінің төрайымы Анаргүл Мұхамедрахимова отбасын және бизнесті қалай біріктіру болатыны туралы айты. Өңірде саналы ата - ана болуды қалыптастыру туралы "Ақмола облысы бойынша әйелдер күштері Альянсының" төрағасы, "Сенімен Болашақ" республикалық қоғамдық бірлестігінің Ақмола облыстық филиалының төрағасы - Айгүл Нұрмағанбетова және басқалар бөлісті.

Айта кетейік, Ақмола әйелдері өңірдің жүзден астам үкіметтік емес ұйымдарын басқарады.

• 08.03.2023
• 212