Көкшетауда балалар арасында шағын футболдан халықаралық турнир өтті

Көкшетауда Ақмола облысы әкімінің жүлдесіне 2009-2010 жылдары туған балалар арасында шағын футболдан алғашқы халықаралық балалар-жасөспірімдер турнирінің ашылуы өтті. Алаңда үш елден келген жас футболшылар кездесті.

Ашылу салтанаты кезінде Ресей Федерациясы, Қырғызстан мен Қазақстаннан келген 12 командаларын Ақмола облысының әкімі Ермек Маржықпаев, шаңғы жарысынан Олимпиада чемпионы Владимир Смирнов және Көкшетау футболының ардагері Евгений Рогачев қарсы алып, жас футболшыларға жеңіс тіледі.

"Футбол - бұл ешқандай шектеулері жоқ әлемдегі спорттың бірінші түрі. Жастарымызды үлкен ареналарда еліміздің атынан шығатын спортпен таныстыру біз үшін үлкен мәртебе. Бұл турнир осы жұмыстың бір бөлігі болып табылады. Мұндай іс-шараларды өткізу балалар мен жастар арасында футбол сабақтарының жаппай болуын, сондай-ақ Республиканың ұлттық құрама командалары үшін спорт резервін дайындауды қамтамасыз ете отырып, облыста футболдың дамуына оң серпін береді деп үміттенемін. Біздің болашағымыз - сіздер, бүгінгі жастар", - деп атап өтті өңір басшысы.

Турнирдің қорытындысы бойынша Көкшетау қаласының командасы чемпион атанды, Зеренді ауылының «Жігер» БЖСМ екінші орынға ие болды, үшінші орында Екібастұз қаласының №1 БЖСМ командасы жеңді.

Айта кетейік, спорттың осы түрін дамыту үшін облыстың негізгі командасының резервін қамтамасыз ететін "Оқжетпес" балалар-жасөспірімдер футбол мектебі және футбол клубы жанындағы орталық жұмыс істейді. Облыста балалар мен жасөспірімдер спорт мектептерінде 2 мыңнан астам жас футболшы айналысады.

• 14.03.2023
• 180