Бірнеше ұрпақтың кумирі Владимир Смирнов Көкшетауға келді

Облыс әкімдігінде тәуелсіз Қазақстанның тұңғыш Олимпиада чемпионы, әлем чемпионаттарының, Азия ойындарының және Әлем Кубогы кезеңдерінің жүлдегері, Ақмола облысының Құрметті азаматы Владимир Смирновпен кездесу өтті.

Шара барысында Ермек Маржықпаев В. Смирновқа ерекше алғысын білдірді.

"Мәдениет және спорт министрлігімен, Қазақстан биатлоншылар одағымен бірлесіп өткізілген іс-шараға уақыт бөлгеніңіз үшін көп рахмет, біз сіздерді Ақмола жерінде қарсы алуымызға зор құрмет. Спорттың, әсіресе қысқы түрлердің дамуына қосқан зор үлесіңіз үшін алғысымды білдіремін", - деді өңір басшысы.  

Сондай-ақ, облыс әкімі Бурабай ауданында биатлоннан жасөспірімдер арасында өткізілетін әлем чемпионатының өңірдегі жоғары жетістіктер спортын дамыту үшін маңыздылығын атап өтті.

"Сіз тек өңірдің ғана емес, еліміздің де аңызысыз, тарихта тұңғыш рет біздің Қазақстанды әлемге аштыңыз. Бұл чемпионатты сіздің кішкентай отаныңызда өткізу кездейсоқ емес екеніне сенімдімін", - деп атап өтті Ермек Маржықпаев.        

Өз кезегінде Олимпиада чемпионы спорттық инфрақұрылымның дамуына оң баға берді.       

«Соңғы рет 2015 жылы облыста болдым. Мен аймақтың қалай дамып жатқанын көріп отырмын. Спорттық даму дұрыс бағытта жүріп жатыр деп болжауға негіз бар, бұған мысал биатлоннан өткізіліп жатқан әлем чемпионаты. Балалар, білікті жаттықтырушылар, жақсы стадион және деңгейлік іс-шаралар үйлесімі біздің балаларымыз спортшылардың табысқа жетуінің ең маңызды кепілі деп санаймын", - деп бөлісті Владимир Смирнов.

Турнир аясында Ұлттық шаңғы орталығы базасында жоғары жетістіктер спорт мұражайының ашылуы өтті, экспозицияның бірі-Владимир Смирновқа арналған.                          

Айта кетейік, өңірде спорт саласына ерекше мән беріледі. Кәсіби және бұқаралық спортпен шұғылдану үшін барлық жағдайлар жасалған, қазіргі заманғы спорт кешендерін де, халықтың кең тобына қолжетімді қарапайым спорт ғимараттарын да салу бойынша ауқымды жұмыстар жүргізілуде. Облыста дене шынықтырумен және спортпен шұғылданатындардың саны 300 мыңнан астам адамды құрады.

• 14.03.2023
• 161