Нұрлан Ноғаев ерекше балаларды Наурыз мерекесімен құттықтады

Бүгін, 22 наурызда облыс әкімі Нұрлан Ноғаевтың қатысуымен ерекше балаларға арналған Наурыз мейрамы аталып өтті, - деп хабарлайды Маңғыстау облысы әкімінің баспасөз қызметі.

Мерекелік шара «Мейірімді ана» қоғамдық қорының бастамасымен «Өз жүрегіңді аш» қоғамдық қорының қолдауымен ұйымдастырылды. Оған 300-ге жуық бала қатысты. Балаларға тәттілер таратылды, аниматорлар мерекелік ойын-сауық бағдарламасын көрсетті.

Бұған дейін ұйымдастырушылар облыс аудандарын аралап, 700 балаға мерекелік көңіл-күй сыйлаған болатын.

Айта кетейік, облыс бойынша 8 210 бала ерекше білім алуды қажет етеді. Оның 3 146-сы - мүмкіндігі шектеулі балалар.

Аймақ басшысы Нұрлан Ноғаев балаларды Наурыз мерекесімен құттықтады.

 – Мемлекет басшысы Қасым-Жомарт Кемелұлы Тоқаевтың тапсырмасымен балаларды, жасөспірімдерді де сапалы білім алуға, тәрбиелеуге жағдай жасалуда. Ұлы халқымыздың салт-дәстүрін жастар біліп, құрметтесе екен.  Сондай-ақ қазір ерекше қажеттіліктері бар балаларға мемлекет тарапынан қаржылық және әкімшілік қолдау көрсетіледі. Наурыз мерекесі жақсылық әкелсін!  Балалардың болашағы жарқын болсын!  – деді Нұрлан Ноғаев.

• 24.03.2023
• 182