ҚАЗАҚСТАН ХАЛҚЫ АССАМБЛЕЯСЫНА 25-ЖЫЛ

Қазақстан халқы Ассамблеясының 25 жылдығы аясында Маңғыстау облысының әкімі ҚХА МОФ төрағасы Серікбай Трұмовтың қатысуымен салтанатты жиын өтті. Жиынға этномәдени бірлестік төрағалары мен мүшелері, жастар және меценаттар қатысты.


Басқосуда сөз алған аймақ басшысы жиналғандарды Қазақстан Республикасының Тұңғыш Президенті күні мен Қазақстан халқы ассамблеясының 25 жылдық мерей тойымен құттықтады.

    «Бүгін Сіздермен Қазақстан халқы Ассамблеясының 25 жылдық мерейтойы аясында және Қазақстан Республикасының Тұңғыш Президенті күні қарсаңында бас қосып отырмыз. Аталған екі мереке өзара тығыз байланысты және еліміз үшін маңызы өте зор. Себебі Қазақстанның Тұңғыш Президенті – Елбасы Н.Ә.Назарбаев қоғамдық келісім мен жалпыұлттық бірліктің қазақстандық моделін қалыптастырып, соның аясында Қазақстан халқы Ассамблеясын негізін қалаған тұлға. Қазақстан халқы ассамблеясы – тұрақтылық пен бейбітшіліктің жаршысы. Бүгінге дейін бұл ұйым Қазақстан бірлігінің моделін қалыптастыруда маңызды рөл атқарып, көптеген игі істердің бастамашысы да бола білді»,-деді облыс әкімі. 

    2008 жылдың 20 қаңтарында еліміздің Тұңғыш Президенті «Қазақстан халқы ассамблеясы» туралы әлемде баламасы жоқ заңға қол қойды. Сөйтіп, Қазақстан халқы Ассамблеясы еліміздің саяси жүйесінің толыққанды бөлігіне айналды.    Ұлы ақын Абай Құнанбаевтың 175 жылдығы, Қазақстан Республикасы Конституциясының 25 жылдығы және басқа да атаулы күндермен тұспа-тұс келген Еріктілер жыл аясында бірқатар іс-шаралар өтті.    Қазақстан халқы Ассамблеясы жұмыс істеген жылдар ішінде облымысызда көптеген қызықты жобаларды іске асырылды. 

Мәселен, 2017 жылы «НКОК» компаниясы тарапынан әлеуметтік бағдарлама шеңберінде Маңғыстау облысына «Достық үйі» салынды. Бұл көп функциялдық ғимарат 20 этномәдени бірлестіктерін бір шанырақ астында біріктірді. Ғимаратта халықаралық, республикалық және өңірлік деңгейлердегі                      іс-шаралар өткізілуде.

Сондай-ақ еліміздегі мәдени-тілдік ортаның одан әрі үйлесімділігін, ортақ құндылықтардың, мақсаттар мен міндеттердің бірлігін қамтамасыз етуге бағытталған "Мәміле", "Мың бала", «Аңсаған сәби» сияқты жобалары, облыстық Аналар кеңесі, медиация, Қоғамдық келесім кеңесі, Жаңғыру жолы жұмыстары, қайырымдылық шаралары іске асырылып келеді.    Осындай ірі жобалар аясында «Булгар» татар, «Вайнах» шешен-ингуш, «Алан» осетин, Щевченко Т.Г. атындағы украин этномәдени бірлестіктері 30 жылдық мерей тойларын атап өтті.

Қазақстан Республикасының Тұңғыш Президенті – Елбасының тапсырмаларын орындау мақсатында 2018 жылдан бастап ҚХА-ның "Қазақтану" мәдени-ағарту жобасы іске асырылуда.

Маңғыстау облысы Қазақстан халқы Ассамблеясы су тасқыны салдарынан зардап шеккен Түркістан облысы, Мақтаарал ауданындағы отандастарымызға 10 тонна азық-түлік, киім-кешек, гигиеналық құралдары жіберілді. 

Маңғыстау облысы Қазақстан халқы Ассамблеясы этномәдени бірлестіктері «Ардагерлерді ардақтайық» акциясы аясында ардагерлердің, жалғыз басты қариялардың жағдайын сұрап, көңіл бөлінуде. 

Жиын соңында елдегі қоғамдық келісімді нығайтуға, Қазақстан халқының бірлігін қамтамасыз етуге қосқан елеулі үлесі үшін бірқатар азаматтар "Қазақстан халқы Ассамблеясына 25 жыл" мерейтойлық медалімен марапатталды. 

• 01.12.2020
• 293