Қазақстан гендерлік теңдік бойынша "Жahандық гендерлік алшақтық" индексінде жоғары сатыға көтерілді

Бүгін Ақпарат және қоғамдық даму министрі Дархан Қыдырәлі ақпарат және азаматтық қоғам саласында қызмет етіп жүрген бірқатар әйелге Мемлекет басшысының құттықтау хатын тапсырды.

Оған қоса министрліктің алғыс хаттарымен де марапаттады. 

"Мемлекет басшысы әйелдердің қоғамдағы рөлін кеңейте түсу – мемлекетіміздің алдында тұрған негізгі міндеттің бірі дегені белгілі. Қазірде телеарналар мен газет-журналдарды, ақпараттық агенттіктерді басқарып отырған, жалпы БАҚ саласында өнімді қызмет етіп жүрген нәзік жанды әріптестеріміздің саны көптеп саналады. Сондай-ақ еліміздің қоғамдық-саяси өміріне де белсене атсалысып жүрген аруларымыз аз емес. Бұл өз кезегінде еліміздегі әйелдер қауымының қоғамдағы рөлі арта түскенінің айқын дәлелі", - деді Дархан Қыдырәлі.

Сондай-ақ министр "Қазақстандағы «БҰҰ-әйелдер» құрылымының ақпаратына сүйенсек, Орталық Азия елдері арасында Қазақстан гендерлік теңдік саласы бойынша көшбасшы саналады.

Қазақстан 2022 жылғы «Жаһандық гендерлік алшақтық» индексінде 146 ел арасында 15 сатыға жоғарылап, 65-ші орынға көтерілген. Елде білім берудегі гендерлік алшақтық азайып, экономикалық мүмкіндіктер мен жалақы теңдігінің жақсарғаны, басшы лауазымындағы әйелдер үлесінің артқаны байқалады", - деді министр. 

Сонымен бірге Д.Қыдырәлі министрлікте қызмет атқаратын қыз-келіншектерді құттықтау іс-шарасына қатысып, өз лебізін жеткізді.

• 29.03.2023
• 185