Президент Іс Басқармасы медициналық орталығымен Ақмола облысы өзара ынтымақтастық туралы меморандумға қол қойды

ҚР Президенті Іс Басқармасы Медициналық орталығының басшысы Алексей Цой және Ақмола облысының әкімі Ермек Маржықпаев ынтымақтастық туралы Меморандумға қол қойды. Жасалған келісім қала тұрғындарына дәрігерлердің тегін консультацияларын, санаторийлік-курорттық емдеу және медициналық оңалту бойынша қызметтерді алуға, ал қажет болғанда жағдайы ауыр науқастарды емдеуге мүмкіндік береді. Сондай-ақ, ортақ келісім өңірдің медициналық мекеме қызметкерлеріне инновациялық технологияларды оқыту, ауруларды алдын алу, диагностикалау, жаңа медициналық технологиялар мен оқытудың инновациялық әдістемелерін дамыту саласында тәжірибе алмасуды көздейді.

Ақмола облысының әкімі Ермек Маржықпаев Медициналық орталығының бастамасы мен Меморандумға қол қою алдағы уақытта өңірдің медицина саласының дамуына айтарлықтай ықпал ететінін атап өтті.

"Бірінші кезекте, баратын өңірлер тізімінде біздің облысымыз алдыңғы қатарда тұрғанына ризашылығымды білдіргім келеді. Қазақстан Республикасы Президентінің Іс Басқармасының Медициналық орталығы өңірлерге озық тәжірибені таратуға бағытталғаны қуантады. Бұл, ең алдымен, халыққа медициналық көмек көрсету сапасын жақсартады.

Бұл кездесу біздің одан әрі ынтымақтастығымыздың бастапқы нүктесі болатынына сенімдімін", - деп атап өтті өңір басшысы.

Өз кезегінде, Медициналық орталығының басшысы ҚР Президенті Іс Басқармасы Медициналық орталығының ғасырға жуық – 90 жылдан астам уақыт еліміздің денсаулық сақтау жүйесінің ірі мекемесіне айналғанын айтты.

«Біз білім берумен, ғылыми зерттеулермен, санитариялық-эпидемиологиялық зерттеулер жүргізумен, сондай-ақ республиканың денсаулық сақтау саласына инновациялық әдістерді іздеумен және енгізумен байланысты көптеген жобалармен айналысамыз. Соңғы үш жылдың өзінде ауруханалардың мамандары 150-ден астам жаңа технологияны республиканың медицина тәжірибесіне еңгізген алғашқылардың бірі болуда. Медициналық орталықтың ұйымдары облыстардың азаматтарына түрлі медициналық көмек, емдеу-сауықтыру және оңалту қызметтерін көрсетті. Біз бұдан әрі өңірдің тұрғындарына практикалық медициналық көмек көрсетуді арттыруды жоспарлап отырмыз», – деді өз сөзінде ҚР Президенті Іс Басқармасы Медициналық орталығының басшысы Алексей Цой.

Кездесу барысында 630 төсектік облыстық көпсалалы аурухананың макеті таныстырылды. Сарыарқа шағын ауданында денсаулық сақтау объектісінің құрылысы жоспарланған. Жобаны іске асыру мерзімі 2023-2025 жж.

«Құрылысты жүзеге асыру мерзімдері екі жыл қатаң. Құрылыс уақытында аяқталады деп үміттенеміз. Бұл нысан жаңа дамып келе жатқан Сарыарқа шағын ауданында орналасады. Соңғы жылдары шағын ауданда бірқатар жаңа нысандар салынды", - деп атап өтті
Е. Маржықпаев.

Алексей Цой республика бойынша 6 ұқсас нысанның құрылысы жоспарланғанын, алғашқы өңірлердің бірі Ақмола облысы болып табылатынын атап өтті.

Соңғы 7 жылда өңірде 10 медициналық ұйым және 42 нысанға күрделі жөндеу жүргізілді. Алдағы 2 жылда "Ауылдық денсаулық сақтауды жаңғырту" ұлттық жобасы аясында 38 бастапқы буын нысаны салынып, жаңа жабдық сатып ала отырып, ауданаралық ауруханалар жаңғыртылады.

Айта кетейік, Медициналық орталықтың 35 жетекші маманы (нейрохирургтер, кардиохирургтер, аритмологтар, онкохирургтер және т.б.) «ҚР ПІБ Медициналық орталығы күндері» аясында Ақмола облысына өз жұмыстарын таныстыруда. Дәрігерлер делегациясы қала тұрғындарына практикалық және консультациялық-әдістемелік көмек көрсетеді.

• 29.03.2023
• 207