Ұлттық экономика министрі Түркістан облысындағы әлеуметтік және өндірістік нысандарды аралады

Түркістан облысына жұмыс сапары

Қазығұрт ауданындағы Жаңабазар ауылында Әлібек Қуантыров №3 балалар мен жасөспірімдер спорт мектебінде болды. Мұнда өткен жылы «Ауыл – ел бесігі» жобасы шеңберінде 217,4 млн.теңге сомасына күрделі жөндеу жұмыстары жасалды. 1980 жылы салынған ғимаратта бұған дейін жөндеу жұмыстары жүргізілмеген. Бүгінде жақын маңдағы ауылдардан келген 705 бала спорттың 11 түрі бойынша заманауи және жақсы жабдықталған залдарда жаттығады. 2022 жылы спорт мектебі 1 әлем чемпионын, 8 Азия чемпионын және 9 республикалық жарыс жүлдегерлерін дайындады.

Шарбұлақ ауылында министр «Береке Агро» өндірістік кооперативінің алма бағында болды. Бұл 150 га инвестициялық жоба 2016 жылы іске қосылды және жылына 5 мың тоннаға дейін ішкі нарықтың қажеттілігін қамтамасыз етеді. Жобаның құны – 3 млрд. теңге. Өндірісте 100 адам жұмыс істейді. Маусым кезінде тағы 100 адам тартылады.

Алма бағын одан әрі кеңейту және жаңғырту үшін 736,5 млн. теңге сомасына инфрақұрылым жүргізу қажет. Кооператив басшылығының айтуынша, суармалы жерлер су деңгейінен жоғары болғандықтан, ұзындығы 9800 метр сорғы құрылысы мен құбыр қажет. «Бизнестің жол картасы» бағдарламасы шеңберінде республикалық бюджеттен қаржыландыруға өтінім сомасы 649 млн. теңгені құрайды.

Министр ҚР ҰЭМ республикалық бюджетті қалыптастыру немесе нақтылау кезінде жобаны мұқият қарайтынына сендірді.

Сондай-ақ, өңірге жұмыс сапары барысында Ә.Қуантыров Шардара су электр станциясына барды. Стратегиялық нысан барлық іргелес аудандарды электр энергиясымен қамтамасыз етеді. Өндірістік қуаты жылына 537 млн. кВт/сағ құрайды. Бұл Түркістан облысындағы қажеттіліктің жалпы көлемінің 30%-ы.

• 06.04.2023
• 113