Мәжіліске жергілікті өзін-өзі басқару органдарының мәселелерін кеңес құру арқылы реттейтін заң жобасы ұсынылды. Оны Ұлттық экономика вице-министрі Бауыржан Омарбеков депутаттарға таныстырды

«Жергілікті өзін-өзі басқару туралы» заң жобасын Мемлекет басшысының тапсырмаларын және ҚР жергілікті өзін-өзі басқаруды дамытудың 2025 жылға дейінгі Тұжырымдамасын іске асыру мақсатында Ұлттық экономика министрлігі әзірледі.

Заң жобасының мақсаты:
Аудандық маңызы бар қалалар, ауылдар, кенттер, ауылдық округтер деңгейінде азаматтардың ашық дауыс беруі арқылы жергілікті өзін-өзі басқару кеңесін құру. Кеңесті азаматтардың ашық дауыс беруі арқылы құру ұсынылды.
Жергілікті өзін-өзі басқару органдарының дербестігін кеңейту;
Ауыл әкімінің функционалдық міндеттерін кеңейту.
Салықтар мен төлемдердің кейбір түрлерін аудандар деңгейіне беру;
Жергілікті өзін-өзі басқару органдары үшін мемлекеттік сатып алуды жеңілдету және т.б.

Кеңеске қандай функциялар берілмек?
Ауылдық округтің бюджетін және оның атқарылуы туралы есепті бекіту, бюджеттің атқарылуын бақылау;
Жергілікті қоғамдастықты дамыту бағдарламасын бекіту;
Елді мекендерді абаттандыру қағидаларын бекіту;
Жергілікті маңызы бар жалпы мәселелер бойынша басқа елді мекендермен ынтымақтастық туралы келісімдер жасау;
Ауылдық округ әкімін қызметінен босату туралы ұсыныс енгізу құқығы және т.б.

Заң жобасын одан әрі талқылау жұмыс тобында жалғасады. Оған Экономикалық реформа және өңірлік даму комитетінің мүшесі Ғалымжан Елеуов жетекшілік етеді.

• 07.04.2023
• 158