Өңірлік штабтарға ЖЖМ жасанды тапшылығын болдырмау үшін мұнай базаларына тексеру жүргізу тапсырылды

2023 жылғы 6 сәуірде ҚР Премьер-Министрінің бірінші орынбасары Роман Склярдың төрағалығымен жанар-жағармай (ЖЖМ) нарығындағы ахуал бойынша кеңес өтті.

Жалпы ел бойынша дизель отынының жиынтық қоры 308,56 мың тоннаны құрайды, бұл 2023 жылғы 1 қаңтардағы қормен салыстырғанда 59 мың тоннаға артық.

Сонымен қатар кейбір өңірлерде жекелеген жанармай құю станцияларында дизель отынын сатуда шектеулер байқалады.

Осыған байланысты ЖЖМ ішкі нарығын қамтамасыз ету үшін:

- Өңірлік штабтарға (ЖАО, БҚДД, МКД, ЭТД, ТМРД) ЖЖМ жасанды тапшылығын тудырмау мақсатында өңірлік мұнай базаларын комиссиялық тексеру жөнінде шаралар қабылдау;

- Бұзушылық фактілері болған жағдайда тиісті мемлекеттік органдарға нарық субъектілерінің бәсекелестікке қарсы немесе доминантты әрекеттері бойынша тергеу жүргізу тапсырылды.

Анықтама:

ЖАО – жергілікті атқарушы органдар;

БҚДД – бәсекелестікті қорғау және дамыту департаменттері;

МКД – мемлекеттік кірістер департаменттері;

ЭТД – экономикалық тергеу департаменттері;

ТМРД – табиғи монополияларды реттеу департаменттері.

• 07.04.2023
• 138