Қазақстандық делегация Дүниежүзілік Банктің және Халықаралық Валюта Қорының жыл сайынғы көктемгі сессияларына қатысады

Вашингтон қаласы 

2023 жылғы 13-15 сәуір аралығында ДБ және ХВҚ-ның дәстүрлі көктемгі сессиясы шеңберінде делегация басшысы, ҚР Ұлттық экономика министрі және Қазақстаннан Дүниежүзілік банктің басқарушысы Әлібек Қуантыров халықаралық қаржы институттарының және қатысушы елдер делегацияларының басшыларымен, сондай-ақ халықаралық экономикалық қоғамдастық өкілдерімен бірқатар екіжақты кездесулер өткізеді.

Атап айтқанда, ол ДБ Президенттігіне кандидат Аджай Бангумен, ДБ-ның Еуропа және Орталық Азия аймағы бойынша жаңа Вице-президенті Антонелла Басанимен келіссөздер жүргізеді деп күтілуде. Кездесу барысында екіжақты ынтымақтастықтың негізгі бағыттары талқыланады.

Сонымен қатар, Ә.Қуантыров АҚШ Сауда палатасында Қазақстан-Америка Іскерлік кеңесінің мүшелерімен дөңгелек үстел жұмысына қатысады, сондай-ақ Standard&Poor's, Moody's және Fitch Ratings халықаралық рейтингтік агенттіктерінің басшылығымен кездесу өткізеді.

Қазақстандық делегация ДБ және ХВҚ көктемгі сессияларына жыл сайын қатысады. 

• 13.04.2023
• 186