Ақмола облысының әкімі азаматтарды жеке қабылдады

Ақмола облысының әкімі Ермек Маржықпаев азаматтарды қабылдады. Тұрғындар облыс басшысына офлайн режимде ғана емес, онлайн режимде де жүгіне алды, деп хабарлайды облыс әкімдігінің баспасөз қызметі.

Облыс орталығының тұрғыны Әйгерім Айтжанова тұрғын үй беру мәселесіне жүгінді.

Көкшетау қаласы әкімінің айтуынша, өтініш беруші "Кезекте" сервистік бағдарламалық өнімі" электрондық базасының деректеріне сәйкес Көкшетау қаласы бойынша "толық емес отбасы" санаты бойынша мемлекеттік тұрғын үй қорынан тұрғын үйге мұқтаж азаматтардың есебінде тұрады. Заңнамаға сәйкес, мемлекеттік тұрғын үй қорынан тұрғын үйге мұқтаждардың есебінде тұрған ҚР азаматтарына құрылыс аяқталуына, пайдалануға берілуіне қарай жалға берілетін тұрғын үйлерді пайдалануға немесе пәтерлердің түсуіне коммуналдық тұрғын үй қорынан тұрғын үй беріледі.

Бурабай ауданының тұрғыны Динара Алданазарова тұрғын үйді қамтамасыз етудің мемлекеттік бағдарламаларына қатысуға көмек көрсету мәселесі бойынша жүгінді.

Өтініш берушіні тыңдап, өңір басшысы жергілікті аудан әкімдігіне және "Отбасы банк" тұрғын үй құрылыс жинақ банкі" АҚ басшылығына мәселені шешу мүмкіндігін қарастыруды тапсырды.      

Облыс басшысы ақмолалықтарды қабылдауға келген әрбір сұраққа жауап берді. Әлеуметтік, өндірістік, жер проблемаларынан басқа, басқа да өзекті мәселелер қозғалды. Мысалы, Көкшетау тұрғыны Көкшетау саябағында Street Workout мамандандырылған алаңын салуға қаражат бөлу мәселесімен жүгінді. Бейнеконференция режимінде Бурабай ауданының Зеленый Бор ауылының тұрғыны пәтерді иесіз есепке қою және одан әрі жеке меншікке беру мәселесі бойынша жүгінді.

Соңында облыс әкімі қатысып отырған мемлекеттік органдарға халықтың проблемаларын уақтылы қарау және шешу мүмкіндігі туралы тағы да еске салды.

• 14.04.2023
• 194