Еліміздің оңтүстік өңірлерінде түсіндіру жұмыстары жүргізілді

Өткен аптада, а.ж. 10-14 сәуір аралығында ҚР ҰЭМ Табиғи монополияларды реттеу комитетінің Әдеп жөніндегі уәкілі Досхан Нұрғалиев және ҚР ҰЭМ Әдеп жөніндегі уәкілі Еркінбек Әбуов бірлесіп Шымкент қ., Жамбыл, Қызылорда және Түркістан облыстарының ТМРК аумақтық департаменттерінде іссапарда болды.

Сапардың мақсаты-мемлекеттік қызметшілердің Әдеп кодексін түсіндіру жөніндегі іс-шаралар жоспарын іске асыру шеңберінде, Қазақстан Республикасының Мемлекеттік қызмет және сыбайлас жемқорлыққа қарсы іс-қимыл саласындағы заңнамадағы соңғы өзгерістерді талқылау үшін ТМРК қызметкерлерімен кездесулер өткізу.

Осы кездесулер барысында мемлекеттік қызметтің әдеп қағидаттары, мемлекеттік қызметшілердің әріптестерімен қызметтік қарым-қатынастардағы мінез-құлық стандарттары, азаматтармен қарым-қатынас жасау және көпшілік алдында сөз сөйлеу кезінде, сондай-ақ мемлекеттік қызметшінің сыртқы келбетіне қойылатын талаптар түсіндірілді.

Департаменттердің барлық қызметкерлері өздерін қызықтырған сұрақтарына толық түсініктемелер мен жауаптар ала алды.

• 18.04.2023
• 156