Қарағандының жылумен жабдықтау нысандарын тексердім

Жұмыс сапарымен 3-ЖЭО жанындағы жылу магистралінің учаскесіне бардым. Мұнда 2,4 км жылу трассасын толығымен қайта жаңартып жатырмыз. Жоба кезең-кезеңімен жүзеге асырылады. Сондай-ақ құбырдың диаметрі ұлғайтылады. Бұл жылу беруге оң ықпал етеді.

Өздеріңіз білетіндей Қарағандыда үшінші жылу құбырын салып жатырмыз. Бүгінде 22 км құбырдың 14 км төселіп, төрт сорғы станциясының қаңқалары тұрғызылды. Жұмыстар кесте бойынша жүргізілуде. Биыл біз станциялар мен оларды жалғайтын құбырлардың құрылысын аяқтаймыз.

Сондай-ақ, М10 жылу магистраліндегі жұмыс барысымен таныстым. Мұнда іске асырылып жатқан қайта құру Оңтүстік-Шығыс ауданы тұрғындарына сапалы және үздіксіз жылу беруге мүмкіндік береді. Сондай-ақ жаңа ғимараттарды қосу үшін тиісті резервті қамтамасыз етеміз.

Осы жұмыстардан басқа қаламызда өндірілетін арнайы жылу оқшаулағыш материалды қолдана отырып, 76 км магистральдық құбырларды қаптаймыз. Сонымен қатар орамішілік желілерді де жылу оқшаулағышпен қаптау туралы тапсырма бердім. Аталған жұмыстар Майқұдықтан бастау алады.

Келесі аптада Теміртауда 2-ЖЭО жөндеу науқанының жоспарлары мен жылу желілерін қайта жаңарту жұмыстарын тексеремін.

• 27.04.2023
• 184