Құрметті блогқа келушілер!

Жақында, мен оңтүстік астанада экоактивистермен және мемлекеттік органдар мен қоғамдық ұйымдардың өкілдерімен кездесу өткіздім, қаланың экологиялық проблемаларын шешу бойынша мәселелер талқыланды.

Іс-шараға "Самұрық-Энерго" АҚ, "ҚазТрансГазАймақ" РМК, "Қазгидромет" РМК, Алматы қаласының Жасыл экономика басқармасы, облыстың Табиғи ресурстар және табиғат пайдалануды реттеу басқармасы, ҚР ҰЭМ Табиғи монополияларды реттеу комитеті, ҚР ИИДМ Көлік комитетінің өкілдері және т. б. қатысты.

Алматы қаласының экологиялық жағдайын тиімді жақсартудың қолданыстағы тетіктері белгіленді, барлық проблемалық сәттер бойынша көрініс егжей-тегжейлі айқындалды.

Естеріңізге сала кетейік, Үкіметт3к деңгейде қабылданған Алматы қаласының экологиясын жақсарту жөніндегі Жол картасында 20 іс-шара қарастырылған. Олардың қатарында ЖЭО-ны газға ауыстыру, жеке секторды газдандыру, автокөлікті табиғи газға ауыстыру, көгалдандыру және т. б. бар.

Алматы маңындағы тұрғын үйлердің 50% - ы жылыту үшін көмірді пайдаланады. Сондықтан, әкімдіктер мен Энергетика министрлігі осы аудандарды газдандыру бойынша шаралар қабылдауда. ЖЭО жұмысының және жеке секторлардың көмірді жағуының әсерінен 2019 жылы қала атмосферасына шығарындылар 144 мың тоннаны құрады. Біз, бұл көрсеткішті 4 жыл ішінде 79 мың тоннаға дейін азайтуды жоспарлап отырмыз. Осылайша, Алматы ластанудың жоғары индексінен орта деңгейге өтеді, сонымен қатар, Жол картасы аясында үйлерді газбен қамтамасыз етуде халықтың әлеуметтік осал топтарына қолдау көрсету жоспарланып отырғвнын атап өтті.

Мәселен, бүгінде Энергетика министрлігі "Самұрық-Энерго" компаниясымен бірлесіп энергетикалық нарық арқылы ЖЭО-ны газға ауыстыру жобасын қаржыландыру мәселесін қарастыруда.

Құрылыс кестесі қаржыландыруға тікелей байланысты. Сонымен қатар, сыртқы газдандыру тарифі халық үшін жоғары болмауы тиіс. Тарифтердің өсуіне жол бермеу үшін біз республикалық және қалалық бюджеттерден қаржыландыруды сұрадық. Сондай-ақ, Алматы қаласының ЖЭО-2-нің табиғи газға көшуі шығарындыларды 83% - ға, яғни 37-ден 6 мың тоннаға дейін төмендетуге мүмкіндік береді.

Қазіргі уақытта, Алматы қаласында 250 мың жасыл желек отырғызылуда, ал 2022 жылға қарай шамамен 1 млн.ағаш отырғызылатын болады. Уәкілетті органдар мегаполисті көгалдандыруға байыпты қарайды - әр ағаштың міндетті параметрлері болады: биіктігі кемінде 2 м және сау тамыр жүйесінің болуы.

2021 жылы қала аумағында атмосфералық ауаның жағдайын бақылайтын 41 датчик орнатылатын болады.

Бұдан басқа, мобильді зертхана іске қосылады, 10 экологиялық бекетті жаңғырту және жаңа 9 бекетті құру күтілуде. Автокөліктің экологиялық таза отын түрлеріне біртіндеп көшуі көзделген.

Бұл бағыттағы ең тиімді қадамдардың бірі жергілікті тұрғындар үшін "электромобильдерге арналған тұрақ" белгісі бар тегін тұрақ орындарын бөлу болады.

Жалпы, Жол картасының барлық іс-шаралары Алматы қаласының ауа сапасын жақсартуға және оның жай-күйін бақылауды күшейтуге бағытталған.

Жұртшылықты оның орындалу барысы туралы хабардар ету - маңызды деп санаймыз. Біздің кездесуіміздің мақсаты да -  осы.

• 07.12.2020
• 494