Целиноград ауданында инфрақұрылымды дамыту

Ақмола облысының әкімі Ермек Маржықпаев Целиноград ауданының тұрғындары алдында есеп беру кездесуінде сөз сөйлеп, атқарылған жұмыстар туралы айтып, алдағы жылға арналған жоспарларымен бөлісті және ауыл тұрғындарының сұрақтарына жауап берді.

Облыстың ірі астаналық аудандарының бірінің басымдығы инфрақұрылымды дамыту болып табылады.

Аудан халқының сумен қамтамасыз етілуі 94% құрайды. 2023 - 2025 жылдарға 6 ауылдық елді мекенде сумен жабдықтау желілерін салу және 3 блок-модуль орнату жоспарлануда.

Биыл Қараөткел ауылында су құбыры желілерін, Нижний Романов кен орнынан Қосшы қаласына дейінгі су құбырын салуға, сондай-ақ Нұресіл және Аққайын, арайлы Софиевка Тайтөбе ауылдарында және Родина ауылында су құбыры желілерін салуға және реконструкциялауға қаражат көзделген.

 Ақмол ауылында жылумен жабдықтау саласында ұзындығы 14,5 км жылу көзі мен жылу желілерін қайта жаңарту жобасы аяқталды. Жобаны іске асырудың арқасында орталық жылытуға 4 шағын аудандағы үш жүз жеке үйдің тұрғындары қосылды.

Сондай-ақ Аққайың, Шұбар және Қоянды ауылдарында газ тарату желілерінің құрылысы жүріп жатыр. 2023 жылы аталған жобаларды іске асыру 20 мыңнан астам адамның табиғи газға қол жеткізуін қамтамасыз етуге мүмкіндік береді. Елорда маңындағы 4 елді мекенді - Талапкер, Қызылсуат, Ы. Алтынсарин, Қаражар ауылдарын газдандыру бойынша жобалау-сметалық құжаттаманы әзірлеу аяқталды.                                  

Елді мекендерді электрмен жабдықтау бойынша Қоянды (2 кезек), Қараөткел (2 кезек) ауылдарында электрмен жабдықтау желілерін, Ақмол, Қаражар (2 кезек) ауылдарында жаңа құрылысқа арналған желілерді салуға қаражат бөлінді.

"Бұл шаралар ауданның ауылдары мен кенттерінде жылу мен электрмен жабдықтау сапасын едәуір жақсартады", - деп атап өтті облыс әкімі.

• 29.04.2023
• 166