Қорғалжын ауданында инфрақұрылымды дамыту

Ақмола облысының әкімі Ермек Маржықпаев Қорғалжын ауданының халқы алдындағы есептік кездесуде өңір тұрғындарын облыста жүргізіліп жатқан жұмыстар туралы хабарлап, жалпы ауданның даму перспективалары туралы айтып берді.                              

Өңір халқын толғандыратын маңызды мәселелердің бірі тіршілікті қамтамасыз ететін инфрақұрылымның жай-күйі болып табылады.

2020 - 2023 жылдары ауданда 57 км кентішілік жол жөнделді, оның ішінде жалпы ұзындығы 18 км Қорғалжын ауылының он екі көшесі, жалпы ұзындығы 4 км Сабынды ауылының жеті көшесі, сондай-ақ жалпы ұзындығы 2 км Кенбидайық ауылының 1 көшесі.                

Биыл жолдарды жөндеу жұмыстары жалғасады. Қорғалжын, Майшұқыр, Қараегино және Жантеке ауылдарында ұзындығы 12 км көше-жол желісін орташа жөндеу жоспарланған. Сондай-ақ, Қорғалжын-Сабынды-Арықты бағыты бойынша автожолдар мен Қорғалжын ауылына кірме жолды орташа жөндеу жоспарлануда.

Сонымен қатар, жыл сайын ауданның ауылдық елді мекендерінде көше жарығының құрылысы жүргізілуде.    

Ағымдағы жылы Шалқар, Өркендеу, Арықты, Жантек ауылдарында және аудан орталығында жарықтандыру желілерін салуға қаражат бөлінді.

Сумен жабдықтау саласында соңғы жылдары ауданда 8,5 км магистральдық су құбыры желілері ауыстырылды. Қазіргі уақытта Сабынды – Қорғалжын бағыты бойынша су құбыры желілері магистралін салу жобасын әзірлеу жүргізілуде. Өркендеу ауылында сумен жабдықтау желілерін реконструкциялау жұмыстары аяқталды, шамамен 12 км желі салынды.

Ағымдағы жылы Жұмай, Үшсарт, ұялы және Садырбай ауылдарындағы суды тазарту станцияларын жөндеу-қалпына келтіру жұмыстарына қаражат бөлінді.

• 29.04.2023
• 136