Көкшетауда "JasSkills Aqmola-2023"облыстық чемпионаты өз мәресіне жетті

Республикада баламасы жоқ «WorldSkillsKazakhstan» стандарттары бойынша «Jasskills Aqmola» облыстық чемпионаты ерте кәсіптік бағдарлау моделін және білім алушыларды кәсіптік даярлау негіздерін құру жөніндегі бірегей жоба болып табылады.

Жоба WorldSkills қозғалыс құралдарының негізінде ерте кәсіптік бағдарлау және оқушылардың заманауи және болашақ кәсіби құзыреттіліктерін игеру үшін жаңа мүмкіндіктер жасауға бағытталған.

Ұйымдастырушысы «Bolashaq saraiy» балалар мен жасөспірімдер сарайы болып табылатын «JasSkills Aqmola» чемпионаты облыста екінші жыл қатарынан өткізіліп келеді.

2022 жылы чемпионатқа 12 ауданнан, 3 қаладан келген балалар қатысты, жалпы 85 қатысушы мен 38 сарапшы қамтылды. Егер өткен жылы жарыс «Графикалық дизайн», «Веб-технологиялар», «Бизнеске арналған IT шешімдер» және т.б. ІТ бағыты бойынша 6 құзыреттілік бойынша өтсе, биылғы чемпионатта қатысушылар 9 құзырет бойынша жарысты. Осы жылы «JasSkills Aqmola» «Қоршаған ортаны қорғау», «Зертханалық-химиялық талдау»  және «Өсімдіктер биотехнологиясы» сияқты құзыреттерді қосты.

«JasSkills Aqmola 2023» чемпионатына 14 командадан 67 қатысушы - білім беру ұйымдарының, қосымша білім беру ұйымдарының, 12-16 жас аралығындағы орта білім беру ұйымдарының білім алушылары және 44 сарапшы қатысты.

 Ұйымдастырушылар жылдан жылға құзыреттер санын (шығармашылық, зияткерлік және басқа да салалар) ұлғайтуды жоспарлап отыр. Беделді іс-шара Ақмола облысының оқушыларын ерте кәсіби бағдарлау мен танымал етуге серпін беруі тиіс.

 Айта кетейік, іс-шара өткен күндері «JasSkills Aqmola» чемпионатының алаңына оқушылар, қала студенттері, сондай-ақ Щучинск қаласының «Балдәурен» балалар сауықтыру лагерінің
150-ден астам тәрбиеленушілері келді.

• 29.04.2023
• 151