Қазақстандағы құқық қорғаушыларды қорғау мәселелері жөніндегі жұмыс тобының отырысы өтті

Бүгін 2023 жылғы 15 наурызда АҚДМ Азаматтық қоғам істері комитетінің өкілдері «Адам құқықтары жөніндегі ұлттық орталығы» ұйымдастырған еліміздегі құқық қорғаушыларды қорғау мәселелері жөніндегі жұмыс тобының кезекті онлайн отырысына қатысты.

Отырысқа Азаматтық қоғам істері комитетінің басқарма басшысы Ж.Қарашолақов, бас сарапшы Е. Ракишев, сондай-ақ мемлекеттік органдардың қызметкерлері, азаматтық қоғам өкілдері оның ішінде Е.Жовтис, А.Ибраева және т.б танымал заңгерлер мен құқық қорғаушылар қатысты.

Жұмыс тобының кезекті отырысының күн тәртібінде екі мәселе талқыланды. Бұл "Құқық қорғаушыларды тану және қорғау туралы" Заң жобасын әзірлеу және құқық нормаларын жүйелеуге және ретке келтіруге бағытталған "Ұлттық алдын алу тетігі туралы" жеке заң жобасын әзірлеу жөніндегі жұмыс мәселесін қарау.

 Ақпарат және қоғамдық даму министрлігі отырысқа қатысушыларды құқық қорғаушыларды қорғау жөніндегі шараларға қатысты өз ұсыныстары туралы хабардар етті және азаматтық қоғам өкілдерімен келесі отырыстарда аталмыш өзекті мәселелерді талқылауға дайын екендіктерін білдірді.

• 02.05.2023
• 116