Азаматтық қоғам істері комитеті «Мемлекеттік әлеуметтік тапсырыстың тиімділігін арттыруға жұртшылықтың қатысуы» атты республикалық дөңгелек үстелге қатысты

2023 жылғы 16 наурызда Азаматтық қоғам істері комитеті төрағасының орынбасары Г.Б. Сұлтанова «Мемлекеттік әлеуметтік тапсырыстың тиімділігін арттыруға жұртшылықтың қатысуы» тақырыбы бойынша республикалық дөңгелек үстелге қатысты.

Іс-шарада мемлекеттік әлеуметтік тапсырысты қалыптастыру, мониторингілеу және бағалау тиімділігі мәселелері талқыланды. Сондай-ақ өңірлердегі мемлекеттік әлеуметтік тапсырыстың талдау нәтижелері, гендерлік талдау көрсетілді және мемлекеттік әлеуметтік тапсырысты жақсарту бойынша тиісті ұсынымдар ұсынылды.

Павлодар облысы Азаматтық Альянсының басшысы (іс-шараны ұйымдастырушы) С.В. Могилюк ҚР АҚДМ тарапынан ҮЕҰ ұсыныстарын ескере отырып, мемлекеттік әлеуметтік тапсырыс ережелерін жетілдіру бойынша тұрақты негізде жұмыс жүргізіліп жатқанын атап өтті.

Г.Б. Сұлтанованың айтуынша: «Ешқандай нормативтік-құқықтық база, егер ол тәжірибеде әлсіз қолданылса, тиімді жұмыс істемейді. Осыған байланысты, ағымдағы жылы біз жергілікті атқарушы органдар мен ҮЕҰ арасында мемлекеттік әлеуметтік тапсырыс саласында құқықтық қолдану тәжірибесін күшейту міндетін алға қойдық».

• 02.05.2023
• 124