Азаматтық қоғам істері комитеті ҮЕҰ бірлесіп ҮЕҰ үшін сыйлықақы беру қағидаларының жобасын талқылады

17 наурызда Азаматтық қоғам істері комитеті төрағасының орынбасары Г.Сұлтанованың төрағалығымен ҮЕҰ-ға сыйлықақы беру жөніндегі қағидалар жобасын онлайн талқылау өтті. Талқылауға үкіметтік емес ұйымдардың басшылары қатысты.

Ережеге өзгерістер сыйлықақының конкурстық рәсімдерінің электрондық форматқа ауысуы – яғни Сыйлықақыларды басқару сервисінің цифрлық порталы арқылы, сондай-ақ сарапшылар мен ҮЕҰ тарапынан түскен ұсыныстарды ескере отырып енгізілді.

ҮЕҰ тарапынан ҮЕҰ-ның әлеуметтік мәселелерді шешуге қосқан үлесіне, ҮЕҰ-ның ақпараттық ашықтығына және бюджеттен тыс ресурстарды тартудағы тәжірибесіне баса назар аудара отырып, өтінімдерді бағалау өлшемшарттарын нақтылау ұсынылды.

Ағымдағы жылы енгізілуі жоспарланып отырған «Сыйлықақыларды басқару сервисі» цифрлық порталы сыйлықақыны беру процесін автоматтандыруға мүмкіндік береді: ҮЕҰ өтінімдерін берген сәттен бастап сыйлықақы жеңімпаздары туралы қорытынды шешім жарияланғанға дейін, сондай-ақ ҮЕҰ тарапынан өтінімдердің мәртебесін мониторингтеуге дейін.

Қағидалардың пысықталған жобасы жақын арада «Ашық НҚА» порталында жарияланатын болады.

• 02.05.2023
• 159