ҚР Сыртқы істер министрлігі жанындағы "Адами өлшем жөніндегі диалог алаңы" консультативтік-кеңесші органының («АӨДА» ККО) кезекті отырысында азаматтарды кемсітпеу және қоғамдық бақылау тетіктерін жетілдіру бөлігінде адам құқықтарын қамтамасыз ету мәселелері қаралды

Іс-шараға мемлекеттік органдар мен халықаралық ұйымдардың өкілдері, құқық қорғаушылар Ж. Тұрмағамбетова, Е.Жовтис, Қазақстандағы бала құқықтары жөніндегі уәкілі А.Саин және т. б. қатысты. Негізгі баяндамашы ҚР Ақпарат және қоғамдық даму министрлігі Азаматтық қоғам істері комитетінің төрағасы Мадияр Қожахмет болды. Спикер өз баяндамасында этникалық, діни және басқа да салалардағы азаматтардың құқықтары проблемаларын шешу үшін Министрліктің өзекті қызметін жетілдіру бойынша мемлекет қабылдап жатқан шаралар мен одан әрі қадамдар туралы хабарлады. Ол ҮЕҰ мен мемлекеттік институттардың азаматтық қоғам саласындағы, оның ішінде Парламенттің қарауындағы ел заңнамасын жетілдіру жөніндегі жұмысын ерекше атап өтті.

Іс-шараның модераторы ҚР СІМ Ерекше тапсырмалар жөніндегі елшісі Үсен Сүлеймен елімізде жүргізіліп жатқан реформалардың ерекше маңыздылығын атап өтіп, үкіметтік емес секторы азаматтардың құқықтарын ілгерілету және қорғау мәселелерінде уәкілетті мемлекеттік органдармен белсенді өзара іс-қимыл жасауға шақырды.

ККО аясында үшінші сектор өкілдері азаматтардың құқықтарын қорғау және кемсітпеу институттарын дамыту бойынша бірқатар идеяларды ұсынды, мысалы, кемсітушілікке қарсы арнайы заң қабылдау, кемсітпеу бойынша республикалық Кеңес құру, "Сервистік полиция" моделін ілгерілету бойынша полицияның қоғамдық органдарының құрамына әртүрлі этникалық топтардың өкілдерін қосу, қоғамдық кеңестердің рөлін күшейту және т. б. маңызды шаралар.

• 02.05.2023
• 131