Волонтерлік жобаларды ақпараттық ілгерілетуді іске асыру және жандандыру туралы

Бүгін ҚР Ақпарат және қоғамдық даму министрлігінің қолдауымен гранттық қаржыландыру шеңберінде іске асырылатын 8 салалық ұзақ мерзімді жобалардың үйлестірушілерімен кездесу өтті: «Birgemiz: Ayala», «Birgemiz:Bilim», «Birgemiz: Sabaqtastyq», «Birgemiz: Taza Álem», «Birgemiz: Asyl мura», «Birgemiz: Úmit», «Birgemiz: Qamqor», «Birgemiz: Saýlyq».

Кездесу барысында 2023 жылға арналған жобаларды іске асырудың міндеттері мен тетіктері талқыланды. Сондай-ақ, волонтерлік бастамаларды қолдауға бағытталған шағын гранттарды тиімді іске асыруға, сондай-ақ жобалар шеңберінде маңызды іс-шаралар мен акцияларды ақпараттық жария етуді күшейтуге баса назар аударылды.

Естеріңізге сала кетейік, салалық жобалардың міндеттері халықтың әлеуметтік маңызды мәселелерін шешуге волонтерлерді тарту және осы проблемалар бойынша мемлекеттік органдардың волонтерлермен және волонтерлік ұйымдармен салааралық өзара іс-қимылын кеңейту болып табылады.

• 02.05.2023
• 181