БҰҰ ҚК қарарларына және ФАТФ стандарттарына сәйкес терроризмді қаржыландыру мақсатында КЕҰ теріс пайдаланудан қорғау

2023 жылғы 18 сәуірде Азаматтық қоғам істері комитетінің төрағасы Мадияр Қожахмет ЕҚЫҰ-ның Астанадағы ұйымдастырған орталығы кірістерді жылыстатуға қарсы іс-қимыл және терроризмді қаржыландыруға қарсы күрес (КЖ/ТҚҚ) мәселелері бойынша семинар-тренингке қатысты.

Семинарды Астанадағы ЕҚЫҰ Бағдарламалар кеңсесі басшысының орынбасары Юрий Фенопетов ашты. Үш күндік іс-шара Қазақстандағы үкіметтік емес ұйымдардың көшбасшылары және ҚР ҚМА, ҚР БП, ҚР ҰҚК және т. б. тиісті мемлекеттік органдардың өкілдері үшін гибридті форматта ұйымдастырылды.

Аталған іс-шара қазақстандықтардың КЖ/ТҚҚ бірқатар мәселелері бойынша хабардарлығын арттыруға және тәуекелдерді ұлттық және секторлық бағалауды қалыптастыруға жәрдемдесуге бағытталған.

Мадияр Қожахмет өз сөзінде іс-шараға қатысушыларға Қазақстандағы азаматтық қоғамның дамуы және мемлекеттің үкіметтік емес сектормен өзара іс-қимылы жөеінде, 2022 жылы ФАТФ 8 Ұсынымы бойынша өзара бағалаудан өту тәжірибесі және КЖ/ТҚҚ мәселелері бойынша КЕҰ секторын қорғау жөніндегі заңнамада қабылданған жаңалықтар туралы жан жақты айтып берді.

«Бүгінгі таңда ҮЕҰ-ны терроризмді қаржыландыру схемаларында (секторлық және өзара бағалау қорытындылары бойынша) пайдалану тәуекел дәрежесі орташа деп бағалануда. Бұл осалдықтар мен тәуекелдерді мемлекеттік органдар Қазақстанның коммерциялық емес ұйымдарының басшыларына жеткізуде», - деп атап өтті ҚР АҚДМ АҚІК төрағасы М. Қожахмет.

ҚР ҚМА өкілі Есен Барикенов өз тарапынан агенттіктің осы бағыттағы жұмысы туралы, сондай-ақ КЕҰ секторындағы қаржылық операцияларды реттеу жөніндегі шараларды жетілдіру бөлігінде аудиторияны хабардар етті.

Іс-шарада халықаралық сарапшылар Фил Купер (Greenacre) және Фулко Ван Девентер (Human Security Collective) өз дәрістерін оқыды.

Халықаралық сарапшылар өз сөздері мен презентацияларында БҰҰ қарарлары, ФАТФ-тың жаһандық қауіпсіздік архитектурасындағы рөлі, топтың құрылу тарихы туралы, ФАТФ 8 ұсынымының мақсаттары мен мәнмәтіні, сондай-ақ ФАТФ ұсынымдарын енгізу және әлемнің әртүрлі мемлекеттерінде (ЕО және ТМД елдері, Англия, Косово, Боливия, Ямайка, Бахрейн, Ауғанистан т.б.) тәуекелге бағдарланған тәсілді қолдану бойынша озық тәжірибе туралы ақпаратты аудиторияға ұсынды.

Сонымен қатар, шақырылған сарапшылар халықаралық және ведомствоаралық ынтымақтастықтың маңыздылығын атап өтіп, қылмыстық кірістерді заңдастыруға және терроризмді қаржыландыруға қарсы іс-қимыл жөніндегі Еуразиялық Топтың (ЕАТ) КЖ/ТҚҚ жүйесіне шолу жасады.

Тәуекелге бағдарланған тәсілді қолдану туралы талқылау кезінде «ИНМИР», «КМБПЧ», «Право» және т.б. ҮЕҰ өкілдері белсенді сөз сөйледі.

Талқылаулар үкіметтік емес салада реттеу және өзін-өзі реттеу жүйесін құру, ақпараттық-ағарту жұмысын ұйымдастыру, Үкімет пен ҮЕҰ секторы арасындағы өзара іс-қимыл бойынша КЖ/ТҚҚ негізгі шараларына бағытталған.

Жалпы, бұл іс-шараны ЕҚЫҰ Орталығы халықаралық басқарудың стандарттарын енгізу бойынша қолдау шеңберінде, атап айтқанда, КЕҰ секторында ақшаны жылыстатуға және терроризмді қаржыландыруға қарсы іс-қимылға, сондай-ақ ведомствоаралық өзара іс-қимылды және азаматтық қоғаммен ынтымақтастықты дамытуға бағытталған жобалар арқылы ұйымдастыруда.

ҚР Қаржылық мониторинг агенттігі / Агентство по финансовому мониторингу РК

OSCE Programme Office in Astana

• 02.05.2023
• 149