Азаматтық қоғам істері комитеті төрағасының орынбасары П.Қ.Сәдуақас "Жасыл экономика” және G-Global Даму Коалициясы” ЗТБ-ның 10 жылдығына арналған іс-шараға қатысты

П. Сәдуақас өзінің құттықтау сөзінде ҮЕҰ-ның азаматтық қоғамды дамытудағы маңызды рөлін атап өтіп, Коалицияны мерейтойымен құттықтады.

Іс-шараға "Қазақстан экологиялық ұйымдарының Қауымдастығы"ЗТБ басқарма төрағасы Айгүл Соловьева, G-Global халықаралық хатшылығының басшысы Серік Нөгербеков, ҮЕҰ өкілдері және өңірлерден келген делегаттар қатысты.

"Жасыл экономика” және G-Global Даму Коалициясы" ЗТБ Қазақстанның "жасыл экономикаға" көшу тұжырымдамасы мен "Жасыл көпір" серіктестік бағдарламасының қоғамдық провайдеріне айналған "Жасыл экономика"қағидаттарын зерделеуге және таратуға маманданған үкіметтік емес ұйым.

Он жыл ішінде "Жасыл экономика” және G-Global Даму Коалициясы" ЗТБ ондаған жобаларды іске асырды, жүздеген семинарлар мен дөңгелек үстелдер өткізді, республикалық және халықаралық іс-шараларға белсенді қатысты, Қазақстандағы “Жер сағаты" Дүниежүзілік акциясын ұйымдастырушылардың бірі болып табылады. Осы іс-шаралардың барлығы энергия үнемдеу, жаңартылатын энергия көздерін дамыту, органикалық ауыл шаруашылығы, климаттың өзгеруіне қарсы күрес, суды және басқа да табиғи ресурстарды тиімді пайдалану, қалдықтарды азайту және қайта өңдеу, биоәртүрлілікті сақтау, экологиялық білім беру және басқа да бағыттар бойынша басым іс-шараларға халықтың қалың жігін тартуға бағытталған.

• 02.05.2023
• 190