БҰҰ Орнықты даму мақсаттарына қол жеткізу мониторингі комитетінің отырысы өтті

ҚР Ұлттық экономика министрлігінің төрағалығымен «Орнықты даму мақсаттарына қол жеткізу мониторингі комитетінің» кезекті отырысы өтті. Отырыс Zoom платформасында онлайн форматта өтті.

Мониторинг комитетінің отырысына орталық мемлекеттік органдардың, «Экономикалық зерттеулер институтының, БҰҰ ДБ өкілдері және т.б. қатысты.

Комитет отырысы аясында ҚР АҚДМ Азаматтық қоғам істері комитеті төрағасының орынбасары Перизат Сәдуақас 2023 жылдың бірінші тоқсанындағы жағдай бойынша «Бейбітшілік» ведомствоаралық жұмыс тобы қызметінің қорытындылары туралы айтып берді.

Қатысушыларға қоғамдық қауіпсіздік, адам құқықтары, сыбайлас жемқорлыққа қарсы күрес, ақпаратқа қол жеткізуді қамтамасыз ету мәселелеріне қатысты индикаторлар бойынша жүргізіліп жатқан жұмыстар туралы баяндалды.

Сондай-ақ, мониторинг комитетінің басшылығына «Бейбітшілік» бағыты бойынша 2023 жылға арналған ВАЖТ жоспарлары туралы хабарлады. Сонымен қатар, қатысушыларға ҚР Ішкі істер министрлігі әзірлеген «2024-2028 жылдарға арналған қоғаммен серіктестікте ҚР-дағы қоғамдық қауіпсіздік тұжырымдамасы» жобасының мемлекеттік органдарда келісуден өтіп жатқаны туралы ақпарат берілді. Осы құжат қабылданғаннан және іске асырылғаннан кейін елдегі қоғамдық қауіпсіздікті нығайту мәселелеріне елеулі әсер күтіледі, бұл өз кезегінде БҰҰ ОДМ-нің ҚР-дағы индикаторларына қол жеткізуге оң ықпал етеді.

• 02.05.2023
• 150