Ағымдағы жылдың 25 сәуірінде ҚР Ақпарат және қоғамдық даму министрлігі Азаматтық қоғам істері комитетінің төрағасы Мадияр Қожахмет «Paper Lab» зерттеу орталығының пікірталас алаңында спикер ретінде қатысты

Пікірталас тақырыбы – «Жаңа Қазақстандағы азаматтық қоғам: мәртебесі "бәрі қиын"?».

Аталған іс-шараны «Paper Lab» ұйымының сарапшылары ұйымдастырды, оған еліміздің үкіметтік емес секторының өкілдері де қатысты.

Отырыс барысында қатысушылар елдегі ағымдағы реформаларды, сондай-ақ олардың азаматтық қоғам саласының дамуына әсерін талқылады.

Атап айтқанда, реформалар азаматтық қоғамның даму жағдайына қалай әсер ететіні, азаматтық қоғамды дамыту саласындағы мемлекеттің басымдықтары қандай, жаңа заңнамалық бастамалар қандай, Қазақстандағы азаматтық қоғам институттарын нақты күшейту үшін қандай қадамдар жасау қажет және т.б.

Мадияр Қожахмет алаңның сарапшылары мен қатысушыларын мемлекеттің үкіметтік емес ұйымдармен өзара іс-қимыл жөніндегі жұмысы, Ақпарат және қоғамдық даму министрлігінің іске асырылған және іске асырылып жатқан заңнамалық бастамалары, сондай-ақ ведомствоның орта мерзімді кезеңге арналған азаматтық қоғам өкілдерімен ынтымақтастықты тереңдету жөніндегі жоспарлары туралы хабардар етті.

Атап айтқанда, Қоғамдық кеңес пен қоғамдық бақылау тетіктері арқылы азаматтардың мемлекетті басқаруға қатысу мәселесін жетілдіру, қоғамдық ұйымдарды тіркеуді оңайлату, ҮЕҰ қызметінің, азаматтық саласының ашықтығы және т.б.

Сонымен қатар, ҚР АҚДМ Азаматтық қоғам істері комитеті қабылданатын шешімдерді жетілдіру және мемлекеттік органдар мен ҮЕҰ өзара іс-қимылын кеңейту мақсатында қазақстандық және халықаралық үкіметтік емес ұйымдармен белсенді ынтымақтастықты, азаматтық қоғам институттарының өкілдерін қолдауды және қоғамдық процестерге тартуды жалғастыратынын хабарлады.

Төраға Қор басшылығына, сарапшылар мен іс-шараға қатысушыларға қоғам дамуының өзекті мәселелерін талқылау бойынша көпшілік талқылауға шақырғаны үшін алғыс айтып, одан әрі бірлескен жұмысқа дайын екендіктерін білдірді.

• 02.05.2023
• 211