«Қоғамдық бақылау туралы» заң жобасы Мәжілісте талқыланды

Ағымдағы жылдың 27-сәуірде ҚР Парламенті Мәжілісінің Әлеуметтік-мәдени даму комитетінің төрағасы А. К. Аймағамбетовтың төрағалығымен және Заң жобаларын әзірлеу жөніндегі Жұмыс тобының басшысы Е. Б. Саировтың қатысуымен дөңгелек үстел өтті.

Дөңгелек үстел барысында Ақпарат және қоғамдық даму Вице-министрі Д.Р. Қадыров «Қоғамдық бақылау туралы» заң жобасының негізгі тәсілдерін таныстырып, «бұл заң жобаларын әзірлеу жөніндегі Жұмыс тобының - ұжымдық жұмысы, оған барлық мүдделі тараптар, оның ішінде сарапшы-заңгерлер, құқық қорғаушылар, қоғам қайраткерлері енгізілді» деп атап өтті.

Сондай-ақ, заң жобаларының негізгі новеллалары қоғамдық бақылау институтын дамытуға және қолдауға бағытталатынын атап өтті.

Сонымен қатар, Қазақстанның Азаматтық Альянсының басшысы Б.Г. Нұрғазиева және Қазақстандағы Парламентаризмді дамыту қоры басшысы З.Қ. Батталова заң жобасының маңыздылығын және оны Жұмыс тобы шеңберінде егжей-тегжейлі пысықталуын атап өтті.

• 02.05.2023
• 132