Жолаушылар мен багажды автомобильмен ауылдық тұрақты тасымалдау маршруттарына қызмет көрсету құқығына арналған конкурсты өткiзу туралы хабарландыру

 Маңғыстау аудандық тұрғын үй-коммуналдық шаруашылығы, жолаушы көлігі және автомобиль жолдары бөлімі 2023 жылдың 01 маусым күні Маңғыстау ауданы, Шетпе ауылы, аудан әкімдігі ғимараты мекен-жайы бойынша жолаушылар мен багажды автомобильмен ауылдық тасымалдау маршруттарына қызмет көрсету құқығына арналған конкурстың өтетіндігі туралы хабарлайды.

Конкурсқа мынадай маршруттардың пакеттерi (маршруттар) шығарылады:

№ 1 лот. «Ауылдық маршрут».

Конкурсқа меншiк нысанына қарамастан, меншiк құқығында немесе өзге де заңды негiздерде Қазақстан Республикасы Инвестициялар және даму министрінің м.а. 2015 жылғы 26 наурыздағы № 349 бұйрығымен бекітілген «Автомобиль көлігімен жолаушылар мен багажды тасымалдау қағидасының» талаптарына сәйкес келетін автокөлiк құралдары бар кез келген жеке және заңды тұлғалар қатысады.

Конкурсқа қатысуға тiлек бiлдiрушiлер Маңғыстау аудандық тұрғын үй-коммуналдық шаруашылығы, жолаушы көлігі және автомобиль жолдары бөліміне конкурстық құжаттардың жиынтығын алуға жазбаша өтiнiмдi Маңғыстау ауданы, Шетпе ауылы, 36 ғимарат мекен-жайына ұсынуы тиіс.

Конкурстық құжаттарды алуға өтінімдерді қабылдаудың және Конкурсқа қатысуға өтінімдерді қабылдаудың соңғы мерзімі: 2023 жылдың             19 мамыр.

2023 жылдың 05 мамыр Комиссия конкурсты өткiзу мәселелерi жөнiндегi конкурс алдындағы конференцияны өткiзедi.

Анықтама телефоны: 8 /72931/ 2-18-05, 2-18-06.

• 05.05.2023
• 119