Маңғыстауда Отан қорғаушылар күні аталып өтті

7 мамырда Маңғыстау облыстық қорғаныс істері департаментінде Отан қорғаушылар күніне арналған салтанатты шара өтті, деп хабарлайды Маңғыстау облысы әкімінің баспасөз қызметі. 

Іс-шараға өңір басшысы Нұрлан Ноғаев, ҚР Қарулы Күштерінің ардагерлері мен жастар, Маңғыстау облыстық қорғаныс істері жөніндегі департаментінің жеке құрамы және 6656 әскери бөлімі мен әскери оркестр музыканттары қатысты.

Мерекелік кеште көрермендерге патриоттық әндер шырқалып, облыстағы танымал әртістер мен әскери оркестр өнер көрсетті. 

Сонымен қатар, шараға келген қонақтар азаматтық қорғаныс істерінің қалыптасуы мен даму тарихынан сыр шертетін экспозициялар қойылған мұражаймен танысты. 

Өңір басшысы Нұрлан Ноғаев қатысушыларды Отан қорғаушылар күнімен құттықтап, қазақстандық армия елдің қауіпсіздігі мен егемендіктің және сенімді болашақтың кепілі екенін атап өтті. 
 
-Сіздерді 7 мамыр-Отан қорғаушылар күнімен шын жүректен құттықтаймын! Бүгінгі таңда қазақстандық армия - батыр ата-бабаларымыздың жолын жалғаған патриоттық мектеп. Мемлекет басшымыз Қасым-Жомарт Кемелұлы Тоқаевтың өзі әскерилерге әрбір қазақстандықтың қауіпсіздігін қамтамасыз ету және ел шекараларын сенімді қорғау үшін мол жауапкершілік жүктелгенін айтқан болатын. Өйткені, Отанға қасық қаны қалған қызмет ету және оны қорғау – әрбір азаматтың қасиетті борышы. Армиямыздың абыройы арта берсін, - деді облыс әкімі Нұрлан Ноғаев.

• 10.05.2023
• 138