Ермек Маржықпаев майдангер - ардагер Иосиф Коминге барды

Ақмола облысының әкімі Ермек Маржықпаев Бұланды ауданында соғыс ардагері Иосиф Коминге барды.

Майдангерге құрмет көрсете отырып, өңір басшысы ардагерлердің арқасында біз қазір бейбіт уақытта өмір сүріп жатқанымызды атап өтті.

1943 жылы Иосиф Комин партизандарға кетті. Ол 1945 жылы Кеңес армиясының қатарына шақырылып, 1951 жылға дейін қызмет етті.

Демобилизациядан кейін Калининград қаласындағы вагон жасау зауытында токарь болып жұмыс істеді. 1954 жылы тың және тыңайған жерлерді игеруге Қазақстанға жіберілді.

Макинск қаласында Макинск элеваторында машинист болып жұмыс істеді. Батылдық  үшін "2 дәрежелі Отан соғысы" орденімен, "Беларусьті азат еткені үшін" және он мерейтойлық медальмен марапатталған.

• 11.05.2023
• 154